అభిషేక్ శర్మ మళ్లీ T20 ర్యాంకింగ్స్‌లో నంబర్ 1 స్థానం సాధించాడు

టీమ్ ఇండియా డాషింగ్ ఓపెనర్ అభిషేక్ శర్మ న్యూజిలాండ్‌తో జరిగిన మూడో T20 మ్యాచ్‌లో కేవలం 38 బంతుల్లో 113 పరుగులు సాధించి అద్భుతమైన సెంచరీ నమోదు చేశాడు. ఈ అద్భుత ప్రదర్శన ఫలితంగా అతను ICC పురుషుల T20 అంతర్జాతీయ బ్యాటింగ్ ర్యాంకింగ్స్‌లో రెండవసారి నంబర్ వన్ స్థానాన్ని సాధించాడు.

విరాట్ కోహ్లీ, సూర్యకుమార్ యాదవ్ తర్వాత ICC పురుషుల T20 ర్యాంకింగ్స్‌లో అగ్రస్థానానికి చేరుకున్న మూడో భారత ఆటగాడిగా అభిషేక్ శర్మ రికార్డు నెలకొలిపాడు. అభిషేక్ శర్మకు ముందు నంబర్ వన్ స్థానంలో ఇషాన్ కిషన్ ఉన్నాడు. 2026 జూలై నుంచి అక్టోబర్ వరకు నంబర్ వన్ స్థానంలో కొనసాగిన ఇషాన్ కిషన్ ప్రస్తుతం మూడో స్థానానికి పడిపోయాడు.

అభిషేక్ శర్మ 2024 జూలై 6న అంతర్జాతీయ క్రికెట్‌లో అడుగుపెట్టాడు. సరిగ్గా ఏడాది తిరిగేసరికి 2025 జూలై 30న ICC T20 ర్యాంకింగ్స్‌లో నంబర్ వన్ స్థానాన్ని సంపాదించాడు. 2025లో జరిగిన ఆసియా కప్ టోర్నమెంట్‌లో ఏడు మ్యాచుల్లో 314 పరుగులు చేసి అత్యుత్తమ స్కోర్ సాధించిన ఆటగాడిగా అవార్డు అందుకున్నాడు.

IPL లో సన్రైజర్స్ హైదరాబాద్ తరపున ఓపెనర్‌గా ఆడుతున్న అభిషేక్ శర్మ 2025 IPL లో పంజాబ్ కింగ్స్ పై 55 బంతుల్లో 141 పరుగులు చేశాడు. ఈ ఇన్నింగ్స్‌లో 14 ఫోర్లు, 10 సిక్సర్లు బాదాడు. IPL లో అత్యధిక వ్యక్తిగత స్కోర్ చేసిన భారత ఆటగాడిగా అభిషేక్ శర్మ మొదటి స్థానంలో నిలిచాడు.

న్యూజిలాండ్‌తో జరుగుతున్న ఐదు T20 సిరీస్‌లో టీమ్ ఇండియా వరుసగా మూడు విజయాలు సాధించి సిరీస్‌ను కైవసం చేసుకుంది. ఆ మూడు మ్యాచుల్లో అభిషేక్ మొత్తం 197 పరుగులు సాధించాడు. అభిషేక్ శర్మకు బ్యాటింగ్‌లో శిక్షణ ఇచ్చిన యువరాజ్ సింగ్ అతని ఆటతీరును ప్రశంసిస్తూ 38 బంతుల్లో 113 పరుగులు చేయడం అంత సులభమైన విషయం కాదని ట్వీట్ చేశాడు.