రిషికేశ్ హైవేపై చెట్ల నరికివేతకు వ్యతిరేకంగా ఉద్యమకారుల ఆందోళన

ఉత్తరాఖండ్‌లోని రిషికేశ్‌లో చార్‌ధామ్ సర్వఋతు రహదారి ప్రాజెక్టులో భాగంగా చెట్లను నరికివేయడాన్ని నిరసిస్తూ ఉద్యమకారులు హైవే వద్ద ధర్నా చేపట్టారు. బద్రీనాథ్ వరకు వెళ్లే ఈ మార్గం విస్తరణలో వేలాది చెట్లు తొలగించాల్సి వస్తుండడంతో పర్యావరణ కార్యకర్తలు తీవ్ర అభ్యంతరం వ్యక్తం చేస్తున్నారు. ఈ క్రమంలో రిషికేశ్ హైవేపై సమీకరించిన కార్యకర్తలు 'కాలుష్యానికి పరిష్కారం, చెట్లప్రాణాలు తీసుకోకండి, భూమి ఎడారి అవుతుంది' వంటి నినాదాలు చేశారు. వారు చెట్లను కాపాడాలని, ప్రాజెక్టును ప్రత్యామ్నాయ మార్గాలతో నిర్వహించాలని డిమాండ్ చేశారు. చార్‌ధామ్ ప్రాజెక్ట్‌లో భాగమైన రిషికేశ్–బద్రీనాథ్ హైవే వెడల్పు పెంపు వల్ల హిమాలయాల పర్యావరణంపై తీవ్ర ప్రభావం పడుతుందని పర్యావరణవేత్తలు హెచ్చరిస్తున్నారు. ఉద్యమకారులు తమ నిరసనను కొనసాగిస్తామని, అడవుల నరికివేత ఆపేవరకు ధర్నాలో ఉంటామని స్పష్టం చేశారు.