అడెక్కో ఇండియా 2026 నివేదిక: మెట్రో నగరాల కన్నా చిన్న నగరాలకే యువ IT ఉద్యోగుల మొగ్గు

అడెక్కో ఇండియా 2026 నివేదిక ప్రకారం, 35 ఏళ్ల లోపు ఉన్న భారతీయ IT నిపుణులు ఇప్పుడు మెట్రో నగరాల కంటే చిన్న నగరాల్లో ఉద్యోగాలు చేయడానికి ఎక్కువ ఆసక్తి చూపుతున్నారు.

ట్రాఫిక్, అధిక జీవన వ్యయాలు, ఒత్తిడి వంటి మెట్రో నగరాల సమస్యలు తప్పించుకుని ప్రశాంత జీవితం, కుటుంబంతో సమయం గడపడం వంటి కారణాలతో యువత ఈ దిశగా మొగ్గు చూపుతున్నట్లు నివేదిక తెలిపింది.

ఈ మార్పును గుర్తించిన కంపెనీలు రిమోట్, హైబ్రిడ్ పని విధానాలను పెంచడంతో పాటు కోయంబత్తూర్, ఇండోర్, సూరత్, లక్నో వంటి చిన్న నగరాల్లో కార్యాలయాలు ఏర్పాటు చేస్తున్నాయి. దీంతో ఉద్యోగులు సొంత ఊరికి దగ్గరగా ఉంటూ మంచి కెరీర్ కొనసాగించవచ్చని, ఉద్యోగ విస్తరణతో నగరాలపై ఒత్తిడి తగ్గుతుందని నివేదిక పేర్కొంది.