కాంగ్రెస్ హామీలు నెరవేర్చలేదని ఆదిలాబాద్ మహిళల నిరసన

కాంగ్రెస్ ఇచ్చిన హామీలు ఎప్పుడు నెరవేరుస్తారని ఆదిలాబాద్ జిల్లా ఇచ్చోడ మండలం ముఖ్రా (కె) గ్రామానికి చెందిన మహిళలు ప్రశ్నించారు. ప్లకార్డులు పట్టుకుని వారు నిరసన తెలిపారు.

ఈ నిరసన మాజీ సర్పంచ్ మీనాక్షి ఆధ్వర్యంలో జరిగింది. కాంగ్రెస్ అధినాయకుడు రాహుల్ గాంధీ హైదరాబాద్‌లో జరిగే భారత్ సమ్మిట్‌కు ముఖ్య అతిథిగా వస్తున్న నేపథ్యంలో వారు ఈ నిరసన తెలిపారు. గ్రామ పొలాల్లో మహిళలు గుమిగూడి ప్లకార్డులతో నిలబడ్డారు.

2023లో కాంగ్రెస్ పార్టీ తెలంగాణలో అధికారంలోకి వచ్చిందని, ఆరు గ్యారంటీలు, 13 డిక్లరేషన్లు, 420 హామీలు ఇచ్చిందని వారు చెప్పారు. రైతు భరోసా కింద ₹15,000, ₹2 లక్షల రైతు రుణమాపు, డిగ్రీ పూర్తి చేసిన అమ్మాయిలకు స్కూటీ, కళ్యాణ లక్ష్మితో పాటు ఒక తులం బంగారం ఇస్తామని ఇచ్చిన హామీలు నెరవేరలేదని వారు ఆరోపించారు.

నిరసనలో "రైతు భరోసా కహా హై", "స్కూటీ కహా హై", "తీన్ సాల్ హో గయే" వంటి నినాదాలు వినిపించాయి. ఈ హామీలు నెరవేర్చాలని, అందుకు కాంగ్రెస్ ప్రభుత్వంపై ఒత్తిడి తేవాలని మహిళలు కోరారు.

ఈ ఆరోపణలపై కాంగ్రెస్ పార్టీ లేదా రాహుల్ గాంధీ కార్యాలయం నుంచి స్పందన లభ్యం కాలేదు.