చైనా పర్యటనలో NSA అజిత్ డోవాల్; వాంగ్ యీతో సరిహద్దు చర్చలు

భారత జాతీయ భద్రతా సలహాదారు అజిత్ డోవాల్ చైనాలో రెండు రోజుల పర్యటన జరుపుతున్నారు. బీజింగ్‌లో చైనా విదేశాంగ మంత్రి వాంగ్ యీతో ఆయన ప్రత్యేక ప్రతినిధుల చర్చలు జరిపారు.

ఢిల్లీలో సెప్టెంబర్ 12, 13 తేదీల్లో బ్రిక్స్ శిఖరాగ్ర సదస్సు జరుగుతుంది. చైనా అధ్యక్షుడు షీ జిన్పింగ్ హాజరు కానున్న నేపథ్యంలో ఈ భేటీ ప్రాధాన్యత సంతరించుకుంది.

3488 కిలోమీటర్ల మేర ఉన్న ఇండో-చైనా సరిహద్దు వివాదాలను పరిష్కరించేందుకు 2003లో ప్రత్యేక ప్రతినిధుల విధానం ఏర్పాటైంది. భారత్ తరపున డోవాల్, చైనా తరపున వాంగ్ యీ ఈ చర్చల్లో పాల్గొంటున్నారు.

డోవాల్ బీజింగ్ చేరుకున్న తర్వాత చైనా ఉపాధ్యక్షుడు హాన్ జెంగ్‌తో భేటీ అయ్యారు. సరిహద్దుల్లో శాంతి నెలకొల్పడం, ఆర్థిక రాజకీయ సహకారం పెంచుకోవడంపై వారు చర్చించారు.

2020 గల్వాన్ ఘర్షణ తర్వాత తూర్పు లడఖ్‌లో సైనిక మోహరింపులతో భారత్-చైనా సంబంధాలు దెబ్బతిన్నాయి. ఆ తర్వాత దౌత్య చర్చల ద్వారా పరిస్థితులు క్రమంగా కుదుటపడుతున్నాయి.