అమిత్ షా హెచ్చరిక: డ్రగ్స్‌పై పోరాటంలో మూడేళ్లు కీలకం

దేశంలో మాదకద్రవ్యాల వ్యాప్తిపై పోరాటానికి రానున్న మూడేళ్లు చాలా కీలకమని కేంద్ర హోంమంత్రి అమిత్ షా తాజాగా హెచ్చరించారు. ఢిల్లీలో జరిగిన ఏపెక్స్ లెవల్ నార్కోటిక్స్ కోఆర్డినేషన్ సెంటర్ సమావేశంలో ఆయన ప్రసంగించారు. ఈ సమావేశంలో నార్కోటిక్స్ శాఖ అధికారులు పాల్గొన్నారు.

ఈ సందర్భంగా మాట్లాడుతూ, "ప్రస్తుతం దేశం మాదకద్రవ్యాలపై పోరాటంలో చాలా సున్నితమైన మలుపులో నిలిచింది. మూడేళ్లలో ఈ పోరు ఫలితం తేలుతుంది" అని అన్నారు. ఈ పోరాటంలో విజయం సాధించాలని, అది సమిష్టి ప్రయత్నంతోనే సాధ్యమని స్పష్టం చేశారు.

"ఈ యుద్ధం ఒక్క శాఖ, ఒక్క రాష్ట్రం, ఒక్క ప్రభుత్వం, ఒక్క వ్యక్తి ఒంటరిగా చేయలేరు. రాష్ట్రాలన్నీ, ప్రభుత్వాలన్నీ, శాఖలన్నీ ఒకే వేదికపైకి రావాలి" అని అమిత్ షా అన్నారు. అన్ని రాష్ట్రాల పోలీస్ చీఫ్‌లు, చీఫ్ సెక్రటరీలు, కార్యదర్శులు ఈ సమావేశంలో పాల్గొన్నారు.

విజిలెన్స్, నిఘా వ్యవస్థలు బలోపేతం చేసేందుకు కేంద్రం చర్యలు తీసుకుంటోంది.