బంజారాహిల్స్ గ్రామీణ సంతలో 'అమృతధార' సాంప్రదాయ జలుబు మందు

హైదరాబాద్ బంజారాహిల్స్‌లోని సీసీటీ స్పేసెస్‌లో నిర్వహించే గ్రామీణ సంతలో 'అమృతధార' అనే సాంప్రదాయ జలుబు మందు లభిస్తోంది. నారపల్లికి చెందిన శ్రీనివాస్ తన కామదేను కపిల గోశాల ట్రస్ట్ ద్వారా ఈ ఉత్పత్తిని అందిస్తున్నారు. దీనిలో కెమికల్స్, ప్రిజర్వేటివ్స్ ఉండవని ఆయన తెలిపారు.

ఇక్కడకు ఒక నెల క్రితం వచ్చిన విజయ్ అనే కస్టమర్ మాట్లాడుతూ, తనకు 7 నుంచి 10 రోజుల నుంచి జలుబు ఉండేదని, ఈ మందును రోజుకు 2-3 సార్లు వాడగా రెండు రోజుల్లో తగ్గిందని చెప్పారు. ఇది చర్మానికి కూడా మెరుపునిస్తుందని ఆయన అన్నారు.

ఈ గ్రామీణ సంతలో ముల్తాని మట్టి సబ్బు, మహాభృంగరాజ తైలం, గోమూత్ర ఐ డ్రాప్స్ వంటి ఇతర సహజ ఉత్పత్తులు కూడా దొరుకుతాయి. మహాభృంగరాజ తైలం వల్ల జుట్టు ఊడదని, తిరిగి మొలుస్తుందని, 50 ఏళ్ల వరకు ఫలితం ఉంటుందని శ్రీనివాస్ తెలిపారు. గోమూత్రం ఐ డ్రాప్స్ను సంవత్సరంలో ఒక పౌర్ణమి రోజు సేకరించి తయారు చేస్తారు.

ఈ గ్రామీణ సంత ప్రతి నెల చివరి శనివారం బంజారాహిల్స్‌లోని సీసీటీ స్పేసెస్‌లో, రెండో శనివారం తార్నాకలోని మర్రి కృష్ణ హాల్‌లో జరుగుతుంది. తాము ఐదేళ్లుగా విక్రయిస్తున్నామని, 9,000 మంది కస్టమర్లు ఉన్నారని శ్రీనివాస్ చెప్పారు. విదేశాలకు సైతం ఎగుమతి అవుతున్నాయని ఆయన వెల్లడించారు.