డూప్లికేట్ ఓటు నమోదు చేస్తే క్రిమినల్ కేసు : అనంతపురం కలెక్టర్ ఆనంద్

అనంతపురం జిల్లా కలెక్టర్ ఆనంద్ డూప్లికేట్ ఓటర్లపై హెచ్చరిక జారీ చేశారు. ఒక చోట కాకుండా ఒకటి కంటే ఎక్కువ చోట్ల ఓటు నమోదు చేసుకుంటే క్రిమినల్ కేసు నమోదు చేసి జైలుకు పంపుతామని ఆయన స్పష్టం చేశారు.

జిల్లా వ్యాప్తంగా మొత్తం 20 లక్షల మంది ఓటర్లు ఉన్నారని, వీరిలో రెండు, మూడు చోట్ల ఓటు హక్కు కలిగి ఉన్న వారి పేర్లను తొలగించి ఒకే చోట ఉంచుతామని కలెక్టర్ తెలిపారు. ఇప్పటికే బీఎల్ఓలు 19 లక్షల మందికి ఈఎఫ్ఆర్లను (Electoral Photo Identity Cards) ఇంటింటికీ పంపిణీ చేశారు. జిల్లాలోని మొత్తం 20,38,523 మంది ఓటర్లలో 19,45,108 మందికి ఈఎఫ్ఆర్లు డిస్ట్రిబ్యూట్ అయినట్లు అధికారులు వెల్లడించారు.

పట్టణ, సెమీ పట్టణ ప్రాంతాల్లో జనాలను గుర్తించడం కష్టంగా ఉన్నట్లు కలెక్టర్ పేర్కొన్నారు. వలసలు, షిఫ్టింగ్ కారణంగా ఈ ప్రాంతాల్లో ఇంకా ఈఎఫ్ఆర్లు పంపిణీ పూర్తి కాలేదని చెప్పారు. అన్ని రాజకీయ పార్టీలు సహకరించి, ఈఎఫ్ఆర్ అందని వారి వివరాలు తెలియజేయాలని కోరారు.