అమలాపురం: వన్నెచింతలపూడి అంబేద్కర్‌నగర్‌లో అంగన్వాడీ ఉత్సవాలు

అంగన్వాడీ ఉత్సవాలు కోనసీమ జిల్లా అమలాపురం రూరల్ మండలం వన్నెచింతలపూడి అంబేద్కర్ నగర్‌లో నిర్వహించారు. పౌష్టికాహారంపై గ్రామస్థులకు అవగాహన కల్పించడం ఈ కార్యక్రమం ఉద్దేశం.

పౌష్టికాహారం తీసుకోవడం వల్ల చిన్నారుల్లో వ్యాధి నిరోధక శక్తి పెరుగుతుందని నిర్వాహకులు తెలిపారు. మహిళలు తమ ఆరోగ్యంపై శ్రద్ధ పెట్టాలని సూచించారు. అంగన్వాడీ కేంద్రాల ద్వారా అందే పోషకాహారాన్ని వినియోగించుకోవాలని చెప్పారు.

ఆకుకూరలు, కాయగూరలు, పండ్లతో సహా వివిధ రకాల పౌష్టికాహారం ప్రాముఖ్యతను వివరించారు. చిన్నారులు, గర్భిణీలు, బాలింతలకు అంగన్వాడీ కేంద్రం అందిస్తున్న సేవలను వివరించారు. అంగన్వాడీ టీచర్ అందిస్తున్న సేవలను నిర్వాహకులు ప్రశంసించారు.

లబ్ధిదారులు తమ అనుభవాల ద్వారా అంగన్వాడీ సేవల ప్రయోజనాలను సమాజానికి తెలియజేయడమే కార్యక్రమ ముఖ్య ఉద్దేశమని పేర్కొన్నారు. ఈ కార్యక్రమంలో బాలింతలు, గర్భిణీలు, చిన్నారులు పలువురు పాల్గొన్నారు.