ఏపీలో టూరిస్ట్ బస్సులపై త్రైమాసిక పన్ను ₹2500కు తగ్గింపు

ఏపీ ప్రభుత్వం ప్రైవేట్ టూరిస్ట్ బస్సులపై త్రైమాసిక పన్ను తగ్గించింది. ఆల్ ఇండియా టూరిస్ట్ పర్మిట్ (AITP) కలిగిన బస్సులకు ప్రతి సీటుకు ఇప్పటివరకు ₹4,000 చెల్లించాల్సి ఉండగా, దాన్ని ₹2,500కు తగ్గించింది.

ఈ నిర్ణయం రవాణా, పర్యాటక రంగాలకు ప్రోత్సాహం కల్పించేందుకు తీసుకున్నట్లు మంత్రి రామప్రసాద్ రెడ్డి తెలిపారు. ఇతర రాష్ట్రాల్లో పన్ను తక్కువగా ఉండడంతో చాలా మంది ట్రావెల్స్ యజమానులు తమ బస్సులను అక్కడ రిజిస్టర్ చేయించుకునేవారు. దీనివల్ల రాష్ట్రానికి ఆదాయం కోల్పోవడంతో పాటు, ప్రమాదాలప్పుడు దర్యాప్తులో ఇబ్బందులు ఎదురయ్యేవి.

పన్ను తగ్గింపుతో బస్సు రిజిస్ట్రేషన్లు తిరిగి రాష్ట్రానికి వచ్చే అవకాశం ఉందని, దీనివల్ల రాష్ట్ర ఖజానాకు అదనపు ఆదాయం వస్తుందని ప్రభుత్వం అంచనా వేస్తోంది. ట్రావెల్స్ యజమానులు ఇకపై నేరుగా ఏపీలోనే తమ బస్సులను నమోదు చేసుకోవచ్చు.