మిస్సింగ్ చిన్నారుల ఆచూకీకి ఏపీ ప్రభుత్వం ప్రత్యేక కమిటీలు

చిన్నారుల అక్రమ రవాణను నివారించేందుకు, మిస్సింగ్ పిల్లల ఆచూకీ కోసం ఆంధ్రప్రదేశ్ ప్రభుత్వం ప్రత్యేక కమిటీలను ఏర్పాటు చేస్తోంది.

ఈ కమిటీలు రాష్ట్ర స్థాయిలో, జిల్లా స్థాయిలో ఏర్పాటు కానున్నాయి. కమిటీల్లో DGP, పోలీస్, విద్యాశాఖలకు ప్రాతినిధ్యం ఇస్తున్నారు. జిల్లాల్లో ఈ ప్రత్యేక కమిటీలు కలెక్టర్ అధ్యక్షతన నడుస్తాయి.

పిల్లల ఆచూకీ కనుగొనడం, వారి రక్షణ, పునరావాసంపై ఈ కమిటీలు ప్రత్యేక పర్యవేక్షణ చేయనున్నాయి. బాలల అక్రమ రవాణ ప్రభావిత ప్రాంతాలపై ఉన్న నిఘాను ఇప్పుడు మరింత పెంచుతున్నారు.

ప్రభావిత ప్రాంతాలపై ఇప్పటికే ఉన్న నిఘాను బలోపేతం చేయడమే ఈ నిర్ణయంలో ప్రధాన అంశం.