Ashley Madison నివేదిక: వివాహేతర సంబంధాల జాబితాలో కాంచీపురం ప్రథమ స్థానం

Ashley Madison ప్లాట్ఫామ్ విడుదల చేసిన తాజా నివేదిక ప్రకారం, భారతదేశంలో వివాహేతర సంబంధాల కోసం అన్వేషించే వారి సంఖ్య పెరుగుతోంది. ఈ పెరుగుదల ముంబై, బెంగళూరు, హైదరాబాద్ వంటి మెట్రో నగరాల్లో కాకుండా చిన్న నగరాల్లోనే ఎక్కువగా కనిపిస్తోందని నివేదిక పేర్కొంది.

దేశవ్యాప్తంగా నమోదైన కొత్త వినియోగదారుల డేటా ఆధారంగా రూపొందించిన జాబితాలో తమిళనాడు లోని కాంచీపురం మొదటి స్థానంలో నిలిచింది. ఆ తర్వాత మహారాష్ట్ర లోని సంగ్లీ, కర్ణాటక లోని విజయపుర, ఉత్తరప్రదేశ్ లోని ఆగ్రా, మహారాష్ట్ర లోని సోలాపూర్, కేరళ లోని కొచ్చి, తమిళనాడు లోని తిరుచురాపల్లి, ఆంధ్రప్రదేశ్ లోని విజయవాడ, ఛత్తీస్‌గడ్ లోని రాయపూర్, మధ్యప్రదేశ్ లోని భోపాల్ టాప్ 10 లో స్థానం సంపాదించాయి.

ప్రపంచవ్యాప్తంగా ఈ ప్లాట్ఫామ్ వినియోగంలో భారత్ మూడవ అతిపెద్ద మార్కెట్ అని కూడా నివేదిక తెలిపింది. అయితే, ఈ డేటా కేవలం Ashley Madison వినియోగదారులకు మాత్రమే పరిమితం అని, మొత్తం సమాజాన్ని ప్రతిబింబించదని నిపుణులు హెచ్చరించారు. చిన్న నగరాల్లో స్మార్ట్‌ఫోన్లు, సోషల్ మీడియా వినియోగం పెరగడం ఈ ధోరణికి కారణం కావచ్చని వారు అభిప్రాయపడ్డారు.