ఢిల్లీలో వాయు కాలుష్యం తీవ్రం: AQI 480 దాటి సివియర్ కేటగిరీలో

ఢిల్లీలో వాయు కాలుష్యం ప్రమాదకర స్థాయికి చేరింది. నగరంలో సగటు AQI సుమారు 480–490 పాయింట్లుగా నమోదవుతోంది. అనేక ప్రాంతాల్లో ఇది 500 పాయింట్లను దాటింది. వాయు నాణ్యత సివియర్ కేటగిరీలో కొనసాగుతోంది.

AQI 400 దాటిన నేపథ్యంలో ఢిల్లీలో GRAP 3 ఆంక్షలు అమలులోకి వచ్చాయి. నిర్మాణ, కూల్చివేత పనులపై పూర్తి నిషేధం విధించారు. BS-4 పెట్రోల్, BS-4 డీజిల్ కార్లకు నో ఎంట్రీ పేర్కొన్నారు. ఇసుక, సిమెంట్ రవాణా, డీజిల్ బస్సులపైనా ఆంక్షలు ఉన్నాయి. ప్రైవేట్ కంపెనీలకు వర్క్ ఫ్రమ్ హోమ్ ఆదేశాలు ఇచ్చారు. పొల్యూషన్ సర్టిఫికెట్ ఉంటేనే వాహనాలకు పెట్రోల్, డీజిల్ ఇస్తున్నారు.

దీపావళి నేపథ్యంలో ఈ రాత్రి కాలుష్యం మరింత పెరిగే అవకాశం ఉంది. గ్రీన్ క్రాకర్స్‌కు సుప్రీం కోర్టు అనుమతి ఇచ్చింది. అయినా గ్రీన్ క్రాకర్స్ కూడా కాలుష్యం కలిగిస్తాయని అధికారులు చెప్తున్నారు. సాధారణ క్రాకర్స్‌తో పోలిస్తే ఇవి 30 శాతం తక్కువ కాలుష్యం చేస్తాయని తెలిపారు. శబ్ద కాలుష్యం 110–125 డెసిబెల్స్ లోపు ఉండాలని నిబంధన ఉంది. ఈ రాత్రి AQI సుమారు 1000 పాయింట్లకు చేరవచ్చని అంచనా వేస్తున్నారు.

రోజువారీ వాహన కాలుష్యం, పంట వ్యర్థాల దహనం, నిర్మాణ వ్యర్థాల వల్ల వచ్చే కాలుష్యంతో పాటు క్రాకర్స్ కాలుష్యం కూడా తోడవుతోంది. MCD, పొల్యూషన్ కంట్రోల్ బోర్డ్‌తో పాటు పలు విభాగాలు కాలుష్య నియంత్రణ చర్యలు తీసుకుంటున్నాయి. రోడ్లపై నీరు చల్లుతూ డస్ట్ నియంత్రణ చేస్తున్నారు. ఈ పరిస్థితి ప్రజల ఆరోగ్యానికి అత్యంత ప్రమాదకరమని వైద్యులు హెచ్చరిస్తున్నారు.