ఇవాంకా ట్రంప్ పై హత్యా కుట్ర: ఇరాక్ నిందితుడు అరెస్ట్

ఇరాక్ కు చెందిన 32 ఏళ్ల మహమ్మద్ బాకర్ సాద్ అనే వ్యక్తిని అమెరికా అధికారులు అరెస్ట్ చేశారు. ఇవాంకా ట్రంప్ పై హత్యా కుట్రలో పాల్గొన్నాడని అతడిపై ఆరోపణ ఉంది.

నిందితుడికి ఇరాన్ సైనిక విభాగం IRGC తో సంబంధాలు ఉన్నాయని అమెరికా మీడియా నివేదించింది. ఇవాంకా ట్రంప్ నివాసం ఉండే ఫ్లోరిడాలోని ఇంటి బ్లూప్రింట్లు, భద్రతా వివరాలు అతడు సేకరించినట్లు దర్యాప్తులో తేలింది. ఆమె నివాసం చుట్టుపక్కల కొంతకాలంగా నిఘా పెట్టాడని కూడా అధికారులు గుర్తించారు.

2020లో అమెరికా drone దాడిలో ఇరాన్ సైనిక కమాండర్ ఖాసిం సులేమానీ మరణించాడు. ఆ ఆపరేషన్‌కు అప్పటి అధ్యక్షుడు డొనాల్డ్ ట్రంప్ ఆదేశాలు ఇచ్చారు. సులేమానీ మరణానికి ప్రతీకారంగా ట్రంప్ కుటుంబాన్ని లక్ష్యంగా చేసుకోవాలని నిందితుడు నిర్ణయించుకున్నట్లు దర్యాప్తులో వెల్లడైంది.

ఈ కుట్ర వెనక అంతర్జాతీయ సంబంధాలపై అమెరికా భద్రతా సంస్థలు దర్యాప్తు కొనసాగిస్తున్నాయి. ట్రంప్ కుటుంబ భద్రతను మరింత పటిష్టం చేసినట్లు సమాచారం.