బట్టి విక్రమార్క డిప్యూటీ సీఎం పదవికి ముప్పు — తెలంగాణ కాంగ్రెస్‌లో పునర్వ్యవస్థీకరణ చర్చ

తెలంగాణ కాంగ్రెస్ ప్రభుత్వంలో మంత్రివర్గ పునర్వ్యవస్థీకరణ చర్చ మొదలైంది. డిప్యూటీ సీఎం భట్టి విక్రమార్క పదవి తొలగించే దిశగా పావులు కదుపుతున్నారని నమస్తే తెలంగాణ పేపర్ నివేదించింది.

ఒక ముఖ్యనేత ఢిల్లీలో ఈ ప్రక్రియ వేగంగా ముందుకు తీసుకెళ్తున్నారని, ఆ నేతకు కాంగ్రెస్ అధ్యక్ష నేతృత్వంలో పలుకుబడి ఉందని పేపర్ పేర్కొంది. భట్టి స్థానంలో అదే SC సామాజిక వర్గానికి చెందిన రంగారెడ్డి జిల్లా ఎమ్మెల్యేను నియమించే అవకాశం ఉందని సమాచారం. భట్టికి స్పీకర్ పదవి ఆఫర్ చేయవచ్చని కూడా చర్చ జరుగుతోందని పేపర్ తెలిపింది.

భట్టి విక్రమార్క 5 సంవత్సరాలు CLP లీడర్‌గా పని చేశారు. ప్రతిపక్షంలో ఉన్నప్పుడు రాష్ట్రవ్యాప్తంగా పాదయాత్ర చేశారు. పార్టీని అధికారంలోకి తీసుకొచ్చే ప్రక్రియలో ఆయన పాత్ర ముఖ్యమైనది.

ఈ నేపథ్యంలో కాంగ్రెస్ రాజ్యసభ సభ్యురాలు రేణుక చౌదరి పార్టీ విధానంపై అసంతృప్తి వ్యక్తం చేశారు. SC/ST/BC సామాజిక వర్గాలకు పార్టీలో తగిన ప్రాతినిధ్యం రావడం లేదని ఆమె పేర్కొన్నారు.

ఈ విషయంపై భట్టి విక్రమార్క, రేవంత్ రెడ్డి స్పందన తెలియాల్సి ఉంది.