పంట బీమా బకాయిలు ₹1,900 కోట్ల విడుదలకు కేంద్రం ఆమోదం: మంత్రి అచ్చన్నాయుడు

గత YSRCP ప్రభుత్వ హయాంలో పెండింగ్‌లో ఉన్న సుమారు ₹1,900 కోట్ల పంట బీమా బకాయిల విడుదలకు కేంద్రం ఆమోదం తెలిపిందని AP వ్యవసాయ శాఖ మంత్రి కింజరపు అచ్చన్నాయుడు వెల్లడించారు.

పంట బీమా ప్రీమియాను రాష్ట్ర ప్రభుత్వం విడతలవారీగా చెల్లిస్తామని కేంద్రానికి ఇచ్చిన హామీతో కరీఫ్ 2024 సీజన్‌కు సంబంధించిన బకాయిలను విడుదల చేయనున్నట్లు మంత్రి తెలిపారు. ఇటీవల కేంద్ర వ్యవసాయ శాఖ మంత్రి శివరాజ్ సింగ్ చౌహాన్‌తో సమావేశమై పెండింగ్ బీమా నిధుల విడుదల కోసం రాష్ట్ర ప్రభుత్వం చేపడుతున్న చర్యలను వివరించినట్లు చెప్పారు.

గత ప్రభుత్వం వల్ల నిలిచిపోయిన రైతు సంక్షేమ సమస్యలను ప్రస్తుత రాష్ట్ర ప్రభుత్వం పరిష్కరిస్తుందని, రైతులకు అందాల్సిన ప్రయోజనాలు సకాలంలో అందేలా కేంద్ర, రాష్ట్ర ప్రభుత్వాలు సమన్వయంతో పని చేస్తున్నాయని మంత్రి పేర్కొన్నారు. ఈ నిర్ణయానికి సహకరించిన కేంద్ర ప్రభుత్వానికి, మంత్రి శివరాజ్ సింగ్ చౌహాన్‌కు అచ్చన్నాయుడు కృతజ్ఞతలు తెలిపారు.