మార్కాపురం జిల్లాలో CM చంద్రబాబు పర్యటన: నిర్వాసితులకు పరిహారం, సంజీవని డిజిటల్ సెంటర్ ప్రారంభం

ముఖ్యమంత్రి చంద్రబాబు నాయుడు నేడు మార్కాపురం జిల్లాలో పర్యటించారు. ఉదయం 11 గంటలకు దోర్నాల మండలం గంటవానిపల్లె సమీపంలోని వెలుగుండ ప్రాజెక్ట్ ప్రాంతానికి CM చేరుకున్నారు. రహదారి మార్గంలో ప్రాజెక్టు వద్దకు వెళ్ళి అధికారులతో సమాలోచనలు జరిపారు. వెలుగుండ్ర నిర్వాసితులకు పరిహారం పంపిణీ చేసి వారితో నేరుగా మాట్లాడారు.

మధ్యాహ్నం గిద్దలూరు మండలం కృష్ణశెట్టిపల్లి చేరుకున్న CM చంద్రబాబు, ప్రాథమిక ఆరోగ్య కేంద్రంలో సంజీవని డిజిటల్ సర్వీస్ సెంటర్‌ను అధికారికంగా ప్రారంభించారు. లబ్ధిదారులతో ముఖాముఖి సమావేశం నిర్వహించారు. అనంతరం ప్రజావేదిక వద్దకు చేరుకొని సభా కార్యక్రమాల్లో పాల్గొన్నారు. TDP కార్యకర్తల సమావేశంలో హాజరై వారికి దిశానిర్దేశం చేశారు.

CM పర్యటనకు సంబంధించి ఎమ్మెల్యే అశోక్ రెడ్డి హెలిపాడ్, ప్రజావేదిక, కార్యకర్తల సమావేశ ప్రాంగణాన్ని ముందుగా పరిశీలించారు. ఫీడర్ కెనాల్ వద్ద ఏర్పాట్లను ఎమ్మెల్యేలు ముక్కు ఉగ్ర నరసింహా రెడ్డి, కందు నారాయణ రెడ్డి, TDP నియోజకవర్గ బాధ్యుడు ఎరిక్షన్ బాబు పరిశీలించారు. ఇంచార్జ్ SP హర్ష్వర్ధన్ రాజు భద్రతా ఏర్పాట్లను సమీక్షించారు. రైల్వే ట్రాక్ సమీపంలో ఉన్నందున జాగ్రత్తలపై సిబ్బందికి సూచనలు ఇచ్చారు. గిద్దలూరు, వెలిగొండలో 1,400 మందితో బందోబస్తు ఏర్పాటు చేసినట్లు SP తెలిపారు. కొత్తగా ఏర్పడిన మార్కాపురం జిల్లాలో వసతుల కల్పన, సమగ్ర అభివృద్ధికి అవసరమైన ప్రతిపాదనలను CM దృష్టికి తీసుకువెళ్తామని కలెక్టర్ విజయ్ సునీత తెలిపారు.