HYDRA కాన్సెప్ట్ బాగుంది, అమలులో లోపాలు ఉన్నాయి: రేణుక చౌదరి

కాంగ్రెస్ MP రేణుక చౌదరి HYDRA డిమాలేషన్స్ విషయంలో మాట్లాడారు. HYDRA కాన్సెప్ట్ చాలా మంచిది అని, కానీ అమలులో లోపాలు ఉన్నాయని ఆమె పేర్కొన్నారు.

పేదవారి గుడిసెలు కూల్చే ముందు వారిని తరలించి, ప్రత్యామ్నాయ గృహాలు ఇవ్వాలని సుప్రీంకోర్టు సూచించిందని రేణుక చౌదరి తెలిపారు. పండగలు, చలికాలం, వేసవిలో పేదవారికి ఇబ్బంది కలిగించడం సరికాదని ఆమె అన్నారు.

ప్రభుత్వ బిల్స్ పెండింగ్ విషయంలో కూడా ఆమె మాట్లాడారు. కాంట్రాక్టర్లు బిల్ పాస్ చేయించుకోవడానికి డబ్బులు అడుగుతున్నారని ఆరోపణలు వస్తున్నాయని చెప్పారు. ఇది తక్షణం సరిదిద్దుకోవాలని, CM రేవంత్ రెడ్డి చర్యలు తీసుకోవాలని ఆమె పిలుపిచ్చారు.

ఫీజు రీయంబర్స్‌మెంట్ కింద ₹10,000 కోట్లు పెండింగ్ ఉందని, రిటైర్డ్ ఉద్యోగుల PF నిధులు కూడా విడుదల చేయాల్సి ఉందని రేణుక చౌదరి తెలిపారు. పాత ప్రభుత్వం నుంచి అనేక ఆర్థిక బాధ్యతలు వారసత్వంగా వచ్చాయని అన్నారు.

మంత్రి పొంగులేటి శ్రీనివాస్ రెడ్డి తన ప్రభుత్వంలోనే లక్ష్యంగా మారుతున్నారంటున్న వాదనలను రేణుక చౌదరి తోసిపుచ్చారు. ఆ ఆరోపణలు నిజం కాదని, మీడియా రూపొందించిన కథనాలని ఆమె చెప్పారు.