ఢిల్లీలో గాలి నాణ్యత మళ్లీ తీవ్ర స్థాయికి; పలు ప్రాంతాల్లో AQI 500 దాటింది

దేశ రాజధాని ఢిల్లీలో గాలి నాణ్యత మళ్లీ తీవ్ర స్థాయికి చేరింది. నగరంలోని పలు ప్రాంతాల్లో AQI 400 దాటింది. కొన్ని ప్రాంతాల్లో ఇది 511 వరకు నమోదైంది.

గాలి నాణ్యత సూచిక severe కేటగిరీలో ఉంది. PM2.5, PM10 సూక్ష్మ కణాల తీవ్రత ప్రమాదకర స్థాయికి చేరుకుంది. దీపావళి సమయంలో కాల్చిన బాణసంచా, పూజల సమయంలో వెలువడిన పొగ కాలుష్యాన్ని పెంచాయి. పంజాబ్, హర్యాణా, ఉత్తరప్రదేశ్‌లో పంట వ్యర్థాలను తగలబెట్టడం కూడా ఢిల్లీ గాలిపై ప్రభావం చూపుతోంది.

చలికాలం ప్రారంభం కావడంతో ఉష్ణోగ్రతలు తగ్గుతున్నాయి. గాలి వేగం కూడా మందగించింది. దీంతో కాలుష్య కణాలు గాలిలోనే నిలిచిపోతున్నాయి. వాహనాల పొగ, పారిశ్రామిక ఉద్గారాలు, నిర్మాణ పనుల ధూళి పరిస్థితిని మరింత దిగజార్చుతున్నాయి. బహిరంగ ప్రదేశాల్లో చెత్త దహనం, ఇటుక బట్టీల పొగ కూడా కారణాలుగా ఉన్నాయి.

కాలుష్యాన్ని నియంత్రించేందుకు అధికారులు GRAP ఆంక్షలను అమలు చేస్తున్నారు. కాలుష్య స్థాయిని బట్టి ఈ ఆంక్షలు విధిస్తారు. అయినా పరిస్థితిలో ఆశించిన మార్పు కనిపించడం లేదు.

ఆరోగ్య నిపుణులు ప్రజలను అప్రమత్తం చేస్తున్నారు. అత్యవసరమైతే తప్ప బయటకు రావద్దని సూచిస్తున్నారు. బయటకు వెళ్లాల్సి వస్తే N95 మాస్క్ ధరించాలని చెబుతున్నారు. చిన్నారులు, వృద్ధులు, శ్వాసకోశ సమస్యలు ఉన్నవారు మరింత జాగ్రత్తగా ఉండాలని హెచ్చరిస్తున్నారు.