చౌటుప్పల్‌లో రోడ్డు పక్కన పడి ఉన్న అనాదిని పోలీసులు రక్షించి ఆశ్రమానికి తరలించారు

యాదాద్రి భువనగిరి జిల్లా చౌటుప్పల్ పట్టణంలో ఓ వ్యక్తి ఫుట్‌పాత్ పక్కన నిస్సహాయ స్థితిలో పడి ఉన్నాడు. పోలీస్ కానిస్టేబుల్ రాములు అతన్ని గుర్తించి స్థానిక ఆశ్రమానికి సమాచారం ఇచ్చారు.

శరీరం బక్కచిక్కి, లేచి కూర్చునే శక్తి కూడా లేని స్థితిలో ఆ వ్యక్తి కనిపించాడు. అనాధ అని భావించిన పోలీసులు వెంటనే ఆశ్రమం నిర్వాహకులను పిలిపించి, అక్కడికి తరలించారు. తర్వాత ఆశ్రమంలో అతన్ని ప్రాథమిక వైద్య పరీక్షలు చేసి, జుట్టు కత్తిరించి, స్నానం చేయించి శుభ్రమైన దుస్తులు ఇచ్చారు.

పూర్తిగా అనారోగ్యంతో ఉన్న ఆ వ్యక్తిని ఆసుపత్రికి తీసుకువెళ్లి సెలైన్ ఎక్కించి వైద్యం అందించారు. ప్రస్తుతం అతని ఆరోగ్యం నిలకడగా ఉన్నట్లు ఆశ్రమం వర్గాలు తెలిపాయి.

ఈ వీడియో చూస్తున్న ఎవరికైనా ఈ వ్యక్తి గుర్తుపడితే, అతన్ని తీసుకువెళ్లేందుకు ఆశ్రమానికి రావచ్చని నిర్వాహకులు విజ్ఞప్తి చేశారు. చౌటుప్పల్ ఆశ్రమం ఫోన్ నంబర్లు: 9066 565 565, 9066 575 575.