డిబ్రూగఢ్‌లో ₹1.4 కోట్ల విలువైన 77 కేజీల గంజాయి, బ్రౌన్ షుగర్ నాశనం

అంతర్జాతీయ మాదకద్రవ్యాల వ్యతిరేక దినోత్సవం సందర్భంగా, అసోంలోని డిబ్రూగఢ్ పోలీసులు భారీ మాదకద్రవ్యాల స్వాధీనాన్ని నాశనం చేశారు. పోలీసులు 77 కిలోల గంజాయి, 271 గ్రాముల బ్రౌన్ షుగర్‌ను ధ్వంసం చేశారు. ఈ మాదకద్రవ్యాల అంతర్జాతీయ మార్కెట్ విలువ దాదాపు ₹1.4 కోట్లు.

కోర్టు అనుమతితో, నిబంధనలు పాటిస్తూ ఈ డిస్పోజల్ చేపట్టినట్లు అధికారులు తెలిపారు. గత సెప్టెంబర్ 2025లో చివరిసారిగా ఇలాంటి డిస్పోజల్ జరిగింది. ఆ తర్వాత నుంచి డిబ్రూగఢ్‌లో మొత్తం 67 మాదకద్రవ్యాల కేసులు నమోదు కాగా, 112 మంది నిందితులను అరెస్టు చేశామని పోలీసులు వెల్లడించారు. సుమారు 9 నెలల కాలంలో డిబ్రూగఢ్ పోలీసుల ఈ పనితీరు మాదకద్రవ్యాల నియంత్రణకు సంకేతంగా నిలిచింది.

మాదకద్రవ్యాలకు వ్యతిరేకంగా సమాజం మేల్కోవాలని, ఎక్కడైనా డ్రగ్స్ వినియోగం గమనిస్తే వెంటనే పోలీసులకు సమాచారం ఇవ్వాలని డిబ్రూగఢ్ పోలీసులు ప్రజలకు, విద్యార్థులకు విజ్ఞప్తి చేశారు. సమాచారం అందిన వెంటనే కఠిన చర్యలు తీసుకుంటామని హామీ ఇచ్చారు.