ఢిల్లీలో ఇసుక తుఫాన్, నోయిడా-కోల్కతాలో భారీ వర్షం.. ట్రాఫిక్కు అంతరాయం
దేశంలోని పలు ప్రాంతాల్లో వాతావరణం ఆకస్మికంగా మారింది. ఢిల్లీ, ఎన్సీఆర్తో పాటు నోయిడా, కోల్కతాలో ఈదురుగాలులు, భారీ వర్షం సంభవించాయి. ట్రాఫిక్కు తీవ్ర అంతరాయం కలిగింది.
ఢిల్లీలో మధ్యాహ్నం ఒక్కసారిగా బలమైన గాలులు వీచాయి. ఇసుక తుఫాన్ తో పాటు వర్షం కురిసింది. దీంతో పట్టపగలే చీకట్లు కమ్ముకున్నాయి. విజిబిలిటీ తగ్గడంతో వాహనదారులు ఇబ్బందులు ఎదుర్కొన్నారు.
ఉత్తరప్రదేశ్లోని నోయిడాలోనూ ఇదే తరహా గాలులు వీచాయి. చెట్లు కూలిపోవడం, పలు ఇళ్ల పైకప్పులు, షెడ్లు ఎగిరిపోవడం వంటి ఘటనలు చోటు చేసుకున్నాయి. దుమ్ము తుఫాన్ కారణంగా వాహనాలు నడపడం కష్టంగా మారింది.
పశ్చిమ బెంగాల్ రాజధాని కోల్కతాలో కుండపోత వర్షంతో పాటు ఈదురుగాలులు వీచాయి. కోల్కతా హైకోర్టు ప్రాంగణంలో భారీ వృక్షాలు విరిగిపడడంతో అక్కడ పార్క్ చేసిన వాహనాలు దెబ్బతిన్నాయి. ప్రెస్ క్లబ్ సమీపంలో చెట్లు కూలడంతో ట్రాఫిక్ స్తంభించింది. ప్రాణనష్టం జరగలేదని అధికారులు తెలిపారు. భారత వాతావరణ శాఖ (IMD) దక్షిణ బెంగాల్తో సహా కోల్కతాకు ఆరెంజ్ అలర్ట్ జారీ చేసింది. రాబోయే కొన్ని గంటల్లో ఉరుములు, మెరుపులతో భారీ వర్షం కురిసే అవకాశం ఉందని హెచ్చరించింది.
గోవాలో ఎడతెరిపి లేని వర్షం కారణంగా రహదారులు నీట మునిగాయి. చెట్లు కూలడంతో ట్రాఫిక్కు ఆటంకం ఏర్పడింది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
