KBR పార్క్ చుట్టూ గ్రేడ్ సెపరేటర్ కారిడార్: GHMC వీడియో విడుదల

హైదరాబాద్‌లో ట్రాఫిక్ సమస్యలు తగ్గించేందుకు GHMC ఒక భారీ ప్రాజెక్టు చేపట్టింది. KBR పార్క్ చుట్టూ గ్రేడ్ సెపరేటర్ కారిడార్ నిర్మించనున్నారు. ఈ ప్రాజెక్టుపై GHMC వీడియో విడుదల చేసింది.

జూబిలీ హిల్స్ చెక్ పోస్ట్ నుండి ఫిల్మ్ నగర్ వరకు signal-free కారిడార్ ఏర్పాటు చేస్తారు. రోడ్ నెంబర్ 45, ఫిల్మ్ నగర్, క్యాన్సర్ హాస్పిటల్, ముగ్తా జంక్షన్లను ఈ కారిడార్ అనుసంధానిస్తుంది.

KBR పార్క్ eco-sensitive zone కు ఎలాంటి నష్టం కలగదని GHMC అధికారులు తెలిపారు. Zero park intrusion విధానంలో రోడ్ medians లోనే flyovers, underpasses నిర్మిస్తారు. పార్క్‌లో ఒక్క చెట్టు కూడా తొలగించరని అధికారులు స్పష్టం చేశారు.

concrete కు బదులు steel flyovers నిర్మిస్తారు. దీని వల్ల నిర్మాణ పని 30 నుండి 40 రెట్లు వేగంగా పూర్తవుతుందని అంచనా. నిర్మాణ సమయంలో ట్రాఫిక్‌కు అంతరాయం కలగకుండా చర్యలు తీసుకుంటామని అధికారులు తెలిపారు.

ఈ కారిడార్ పూర్తయిన తర్వాత జూబిలీ హిల్స్, బంజారా హిల్స్ ప్రాంతాల్లో వాయు కాలుష్యం 72% వరకు తగ్గవచ్చని అధికారులు అంచనా వేస్తున్నారు. ట్రాఫిక్ తగ్గడం వల్ల 40 కోట్ల లీటర్లకు పైగా ఇంధనం ఆదా అవుతుందని కూడా అంచనా. జూబిలీ హిల్స్ నుండి మాదాపూర్ వరకు ప్రయాణ సమయం గణనీయంగా తగ్గుతుందని అధికారులు పేర్కొన్నారు.