గోల్కొండ బోనాల 2026: ఘటాల ఊరేగింపు, సాంస్కృతిక కార్యక్రమాలతో వేడుక ప్రారంభం

గోల్కొండ బోనాల జాతర 2026 హైదరాబాద్‌లో ఘనంగా ప్రారంభమైంది. నెత్తిన బోనమెత్తుకున్న మహిళలు లంగర్‌హౌస్ నుంచి గోల్కొండ కోటలోని జగదాంబిక అమ్మవారికి సమర్పించేందుకు ఊరేగింపుగా వెళ్లారు.

లంగర్‌హౌస్ నుంచి గోల్కొండ కోట వరకు సుమారు 3 కిలోమీటర్ల పొడవున ఘటాల ఊరేగింపు నిర్వహించారు. ఈ సందర్భంగా 500 మంది కళాకారులు డప్పు వాయిద్యాలు, పోతరాజు నృత్యాలతో ఆకట్టుకున్నారు.

చోటా బజార్ అనంతాచారి ఇంటి నుంచి జగదాంబిక అమ్మవారి ఉత్సవ విగ్రహాలు, రిసాలా బజార్ సాయిబాబాచారి ఇంటి నుంచి మహంకాళి అమ్మవారి విగ్రహాలు ఊరేగింపుగా తీసుకెళ్లారు. బంజారా దర్వాజా నుంచి 26 కులాల మహిళలు తొలి నజర్ బోనం సమర్పించారు.

రాష్ట్ర ప్రభుత్వం తరపున మంత్రులు కొండా సూరేఖ, పొన్నం ప్రభాకర్ అమ్మవార్లకు పట్టువస్త్రాలు సమర్పించారు. ఈ ఏర్పాట్లలో తెలంగాణ భాషా సాంస్కృతిక శాఖ, పోలీసులు పూర్తి స్థాయి బందోబస్తు ఏర్పాటు చేశారు.

గోల్కొండ బోనాల వేడుకలు నెలరోజుల పాటు ప్రతి ఆదివారం, గురువారం జరుగుతాయి.