రామ్ చరణ్, సుకుమార్ కొత్త సినిమా ప్రీ ప్రొడక్షన్ షురూ; నయనతార, కియారా పేర్లు ప్రచారంలో

సుకుమార్ దర్శకత్వంలో రామ్ చరణ్ నటించే కొత్త చిత్రం ప్రీ ప్రొడక్షన్ పనులు వేగవంతమయ్యాయి. సుకుమార్ ప్రస్తుతం అమెరికాలో ఉండి సినిమా కథకు ఫైనల్ టచ్ ఇస్తున్నట్లు సమాచారం.

ఈ సినిమా అధికారిక ప్రారంభోత్సవం అక్టోబరులో జరగనుంది. 2027లో చిత్రీకరణ ప్రారంభించాలనే ప్రణాళికలు ఉన్నాయి.

తారాగణం విషయంలో కొన్ని పేర్లు బయటకు వస్తున్నాయి. నయనతార కీలక పాత్రలో కనిపించనున్నట్లు ప్రచారం జరుగుతోంది. ఆమె లేడీ విలన్ పాత్ర పోషిస్తారనే అంచనాలు కూడా ఉన్నాయి. హీరోయిన్ ఎంపిక ఇంకా ఖరారు కాలేదు. కియారా అద్వానీ పేరు తెరమీదకు వచ్చింది. ఈ చిత్రంలో ఆమె రామ్ చరణ్ సరసన నటించనున్నట్లు వార్తలు వస్తున్నాయి.

సంగీత దర్శకుడి ఎంపికపై ఇంకా స్పష్టత లేదు. దేవి శ్రీ ప్రసాద్ ఈ చిత్రానికి సంగీతం అందిస్తారనే వార్తలు వచ్చినా, ఇది కేవలం ప్రచారం మాత్రమేనని టాలీవుడ్ వర్గాలు తెలిపాయి. ప్రస్తుతం దేవి శ్రీ ప్రసాద్ వేరే ప్రాజెక్టులతో బిజీగా ఉండటంతో, అతను ఖాళీ అయిన తర్వాతే సుకుమార్ ఈ సినిమా షూటింగ్ మొదలుపెడతారని సమాచారం.