గిరిజన ఉపాధ్యాయుల ఆంగ్ల శిక్షణలో గవర్నర్ పాల్గొని సర్టిఫికెట్లు ప్రదానం

తెలంగాణ గవర్నర్ శివప్రతాప్ శుక్ల గిరిజన సంక్షేమ విద్యా సంస్థల ఉపాధ్యాయులతో లోక్భవన్లో సమావేశమయ్యారు. హైదరాబాద్లోని ఇంగ్లీష్ అండ్ ఫారిన్ లాంగ్వేజెస్ యూనివర్సిటీ (ఈఎఫ్ఎల్యయు) ఆధ్వర్యంలో ఈ ఉపాధ్యాయుల కోసం ఇటీవల రెండు వారాల ఆంగ్ల భాషా ప్రావీణ్యత కార్యక్రమం నిర్వహించారు. విజయవంతంగా శిక్షణ పూర్తి చేసిన ఉపాధ్యాయులకు గవర్నర్ దృపత్రాలు (సర్టిఫికెట్లు) అందజేశారు.

ఈ సందర్భంగా గవర్నర్ మాట్లాడుతూ, ఉపాధ్యాయుల ఆంగ్ల భాషా నైపుణ్యాలు మెరుగుపడడం వల్ల గిరిజన విద్యార్థుల ఆత్మవిశ్వాసం, కమ్యూనికేషన్ స్కిల్స్ పెరుగుతాయని తెలిపారు. ఇది వారి ఉన్నత విద్య, ఉపాధి అవకాశాలను విస్తృతం చేస్తుందని అభిప్రాయపడ్డారు. అయితే, ఆంగ్లం నేర్చుకుంటూనే మాతృభాషలు, గిరిజన సాంస్కృతిక వారసత్వాన్ని పరిరక్షించడంపై ప్రత్యేక దృష్టి పెట్టాలని సూచించారు.

గిరిజన సంక్షేమానికి సంబంధించిన ప్రతి కార్యక్రమానికి లోక్భవన్ అండగా ఉంటుందని గవర్నర్ స్పష్టం చేశారు. ఈ ఉపాధ్యాయుల శిక్షణ కార్యక్రమానికి మద్దతుగా గవర్నర్ విచక్షణ నిధుల నుంచి రూ.12.80 లక్షలు లోక్భవన్ మంజూరు చేసిందని ప్రకటించారు.