నేరడి బ్యారేజీకి ఏపీ ప్రభుత్వం అనుమతి : రూ.641.10 కోట్లతో నిర్మాణం

ఆంధ్రప్రదేశ్ ప్రభుత్వం వంశధార ప్రాజెక్ట్ స్టేజ్-2 లో భాగమైన నేరడి బ్యారేజీ నిర్మాణానికి పరిపాలనపరమైన అనుమతి ఇచ్చింది.

జల వనరుల శాఖ ఈ ప్రాజెక్టుకు గ్రీన్ సిగ్నల్ ఇస్తూ జీవో ఆర్టీ నంబర్ 432 జారీ చేసింది. రూ. 641.10 కోట్ల అంచనా వ్యయంతో నేరడి బ్యారేజీ నిర్మాణం చేపట్టనున్నారు. భూసేకరణ, పునరావాస వ్యయాలను మొత్తం ప్రాజెక్ట్ వ్యయంలో సర్దుబాటు చేయాలని ప్రభుత్వం ఆదేశించింది.

ఈ బ్యారేజీ పూర్తయితే శ్రీకాకుళం జిల్లాలో వేలాది ఎకరాలకు సాగునీరు అందుతుంది. తాగునీటి సమస్య తీరడంతో పాటు వ్యవసాయ రంగానికి ఊతం లభిస్తుంది. చాలా కాలంగా పెండింగ్‌లో ఉన్న ఈ ప్రాజెక్టుకు ఇరు రాష్ట్రాల మధ్య జలాల పంపిణీకి సంబంధించిన సమస్యలను పరిష్కరించుకుంటూ ముందుకు వెళ్లాలని ప్రభుత్వం నిర్ణయించింది.

ఉత్తర కోస్తా ప్రాంత చీఫ్ ఇంజనీర్ తదుపరి చర్యలు చేపట్టనున్నారు. ఆర్థిక శాఖ అనుమతితో ఈ జీవోను ప్రభుత్వం విడుదల చేసింది.