H-1B వీసా: 2 లక్షల మంది $1 లక్ష ప్రీమియం ఫీజు చెల్లించారు – అమెరికా అధికారి

అమెరికాలో హెచ్-1బీ వీసా కోసం ఈ ఆర్థిక ఏడాది 2 లక్షల మందికి పైగా దరఖాస్తుదారులు ఒక్కొక్కరు $1 లక్ష (సుమారు ₹83 లక్షలు) ప్రీమియం ప్రాసెసింగ్ ఫీజు చెల్లించినట్లు యూఎస్ హోంల్యాండ్ సెక్యూరిటీ డిపార్ట్మెంట్ (DHS) ఉన్నతాధికారి వెల్లడించారు.

DHS సెక్రెటరీ మార్క్ వేన్ ముల్లిన్ సబ్ కమిటీ సమావేశంలో మాట్లాడుతూ, ప్రస్తుత ఆర్థిక ఏడాదిలో ఇప్పటివరకు సుమారు 2.86 లక్షల హెచ్-1బీ వీసా దరఖాస్తులు వచ్చాయని తెలిపారు. వీటిలో 2 లక్షల మందికి పైగా ప్రీమియం ప్రాసెసింగ్ ఎంచుకున్నట్లు వివరించారు.

ఈ ప్రీమియం ప్రాసెసింగ్ వల్ల వీసా పత్రాల పరిశీలన కేవలం 15 రోజుల్లోనే పూర్తవుతుందని, సాధారణ ప్రక్రియలో అయితే దాదాపు 7.5 నెలలు పట్టేదని ముల్లిన్ చెప్పారు. భారతీయ దరఖాస్తుదారులు ఎక్కువగా ఈ వేగవంతమైన ప్రక్రియను ఎంచుకుంటున్నట్లు సమాచారం.

డొనాల్డ్ ట్రంప్ అధ్యక్షుడిగా ఉన్న సమయంలో వలసదారులపై కఠిన విధానాలు ఉన్నప్పటికీ, హెచ్-1బీ వీసాలకు డిమాండ్ భారీగా కొనసాగుతోందని ఈ గణాంకాలు సూచిస్తున్నాయి.