హైదరాబాద్ పోలీసులు 'AI Cop Writer' యాప్ ప్రారంభించారు

హైదరాబాద్ నగర పోలీస్ కమిషనర్ సజ్జనార్ 'AI Cop Writer' యాప్‌ను ఆవిష్కరించారు. ఇది దేశంలో తొలి AI ఆధారిత ఫిర్యాదు రికార్డర్ అని అన్నారు.

ఈ యాప్ ద్వారా 10కి పైగా భాషల్లో ఫిర్యాదులు నమోదు చేయవచ్చు. మాటలను వెంటనే text గా మార్చి అనువదించే సదుపాయం ఉంది. ఫిర్యాదు వివరాలు automatically PDF రూపంలో సేవ్ అవుతాయి.

వలస కార్మికులు, పర్యటకులు, మహిళలు, వృద్ధులకు ఈ యాప్ ఉపయోగపడుతుందని సజ్జనార్ తెలిపారు. భాష న్యాయానికి అడ్డంకి కాకూడదనే లక్ష్యంతో AI వినియోగిస్తున్నట్లు చెప్పారు.

తొలుత హైదరాబాద్ పరిధిలోని 80కి పైగా పోలీస్ స్టేషన్లలో ఈ యాప్ అందుబాటులోకి రానుంది. FIR నమోదు ప్రక్రియ వేగంగా, ఖచ్చితత్వంతో పూర్తవుతుందని అన్నారు. Blue Cloud Soft Tech Solutions సహకారంతో ఈ యాప్‌ను రూపొందించారు.