TG20 లీగ్‌లో నేడు హైదరాబాద్ ఈ ఛాంపియన్స్ తొలి మ్యాచ్

TG20 లీగ్‌లో భాగంగా హైదరాబాద్ ఈ ఛాంపియన్స్ జట్టు తన తొలి మ్యాచ్‌లో పాలమూరు స్ట్రైకర్స్‌తో తలపడనుంది.

మ్యాచ్ ఉప్పల్ స్టేడియంలో మధ్యాహ్నం 2 గంటలకు టాస్ తో ప్రారంభమై, 2.30 గంటలకు ప్రారంభం కానుంది. హైదరాబాద్ జట్టుకు అభిరేంద్ర రెడ్డి కెప్టెన్‌గా వ్యవహరిస్తున్నారు.

ఈ జట్టులో ప్రణవ్ వర్మ, అఖిల్ రాథోడ్, గణేష్ వంటి ఆల్ రౌండర్లు, అనుభవజ్ఞుడైన అభిజిత్ రెడ్డి ఉన్నారు. ఇటీవల శ్రీలంక పర్యటనకు ఎంపికైన యశ్వీర్ గౌడ్ కూడా జట్టులో ఉన్నారు.

పాలమూరు స్ట్రైకర్స్ ఇప్పటికే తన తొలి మ్యాచ్‌లో ఖమ్మం ఎస్ఎస్ చేతిలో 217 పరుగులకు ఆలౌట్ అయి ఓడింది. ఖమ్మం జట్టు 239 పరుగులు చేసింది.

నిన్న ఉప్పల్ స్టేడియంలో 10,000కు పైగా ప్రేక్షకులు హాజరైన మ్యాచ్‌లో మెదక్ ఫాల్కన్స్ 258 పరుగుల లక్ష్యాన్ని ఛేదించింది, కెప్టెన్ తిలక్ వర్మ మ్యాన్ ఆఫ్ ది మ్యాచ్‌గా నిలిచారు. నేటి మ్యాచ్ కూడా హై స్కోరింగ్‌గా ఉంటుందని అంచనా.