హైదరాబాద్‌లో భారీ వర్షం: 8 సెంటీమీటర్లు నమోదు, చెట్లు విరిగిపడి ట్రాఫిక్ అంతరాయం; సీఎం రేవంత్ విమానం బెంగళూరుకు డైవర్ట్

హైదరాబాద్‌లో శుక్రవారం కురిసిన భారీ వర్షానికి రాజేంద్రనగర్‌లో 8 సెంటీమీటర్ల వర్షపాతం నమోదైంది. నగరంలో పలు చోట్ల చెట్లు విరిగిపడ్డాయి. దీంతో పలు రహదారులపై ట్రాఫిక్ జామ్ అయ్యింది.

వర్షం కారణంగా వాతావరణం అనుకూలించకపోవడంతో తెలంగాణ ముఖ్యమంత్రి రేవంత్ రెడ్డి ప్రయాణిస్తున్న విమానం బెంగళూరుకు డైవర్ట్ చేయబడింది. ఆయన రాత్రంతా బెంగళూరులోనే బస చేశారు.

వాతావరణ శాఖ సమాచారం ప్రకారం, తెలంగాణలో ఋతుపవనాలు విస్తరిస్తున్నాయి. నేడు (శనివారం) రాష్ట్రంలోని పలు ప్రాంతాల్లో మోస్తరు వర్షాలు కురుస్తాయి. అలాగే ఆంధ్రప్రదేశ్‌లోని కోస్తా, రాయలసీమ జిల్లాల్లో ఉరుములు, మెరుపులతో కూడిన వర్షాలు కురిసే అవకాశం ఉంది.

ఏపీలో అనంతపురం జిల్లా మడకశిరలో 10.5 సెంటీమీటర్ల వర్షపాతం రికార్డయ్యింది. నెల్లూరు, కడప జిల్లాల్లోనూ భారీ వర్షం పడింది.