హైదరాబాద్ అక్రమ అండాల దందా: తొమ్మిది మంది అరెస్టు, 50 మంది మహిళలు రక్షణ

హైదరాబాద్‌లో అక్రమ అండాల సేకరణ కేసులో ఇప్పటికే తొమ్మిది మందిని పోలీసులు అరెస్టు చేశారు. ఈ కేసులో 31 మంది, 19 మంది మహిళలను కలిపి మొత్తం 50 మందిని రక్షించినట్లు మల్కాజిగిరి పోలీస్ కమిషనర్ సుమతి (IPS) తెలిపారు.

ఈ దందా మూడు అంచెల్లో కొనసాగుతోందని పోలీసులు గుర్తించారు. డోనార్, ART సెంటర్, ఫర్టిలిటీ సెంటర్ అనే మూడు దశల్లో ఈ వ్యవస్థ నడిచింది. ART చట్టం ప్రకారం అండాల సేకరణ నిబంధనల ప్రకారమే జరగాలి. కానీ యువతులను డబ్బు ఆశ చూపి తీసుకొచ్చి, వాళ్ల రికార్డులు ఫాల్సిఫై చేసి అండాలు సేకరిస్తున్నారని పోలీసులు చెప్తున్నారు. ఇదే ఈ కేసులో ప్రాథమిక అభియోగం.

మహిళలను రిక్రూట్ చేసిన వారిని, ART సెంటర్ల నుంచి ఫర్టిలిటీ సెంటర్లకు తీసుకెళ్లిన వారిని అరెస్టు చేశారు. ఫాల్స్ రికార్డులు సృష్టించిన వారందరూ అరెస్టులో ఉన్నారని సుమతి తెలిపారు. ఈ దందాలో జరిగిన కొన్ని ఆర్థిక లావాదేవీలను కూడా పోలీసులు గుర్తించారు.

ఏజెంట్లు WhatsApp గ్రూపులు నిర్వహిస్తున్నట్లు ఆమె వెల్లడించారు. రికార్డులు, డబ్బు లావాదేవీలు, సోనోగ్రఫీ రిపోర్టులు ఈ గ్రూపుల్లో షేర్ అయ్యాయి. ఎక్కడి నుంచి ఎంతమంది వస్తున్నారు, ఎవరి దగ్గర ఎంతమంది ఉన్నారు అనేది కూడా ఇక్కడే ట్రాక్ చేసేవారు.

రక్షించిన మహిళలను witnesses గా మళ్లీ పరీక్షకు పంపించారు. ఫర్టిలిటీ సెంటర్లకు నోటీసులు జారీ చేసి, ఆ మహిళలకు సంబంధించిన రికార్డులు తీసుకున్నారు. ఈ రికార్డులను FSL రిపోర్టుల కోసం పంపారు. FSL రిపోర్టులు వచ్చాక ఫర్టిలిటీ సెంటర్ల పాత్ర ఏంటో స్పష్టం అవుతుందని పోలీసులు చెప్తున్నారు. కస్టడీ కోసం దరఖాస్తు చేసుకున్నారు. వైద్యశాఖ అధికారులు కూడా సమాంతరంగా విచారణ చేస్తున్నారు.