హైదరాబాద్‌లో 'మీ సురక్ష' కార్యక్రమం: 450 చోట్ల ఒకేసారి లాంచ్

హైదరాబాద్ మల్కాజగిరి కమిషనరేట్ పరిధిలో పోలీసులు 'మీ సురక్ష' కార్యక్రమాన్ని ప్రారంభించారు. ఇతర రాష్ట్రాల నుంచి వచ్చి పని చేసే వ్యక్తులను, అద్దెదారులను, సీనియర్ సిటిజన్లను నమోదు చేయడం ఈ కార్యక్రమం లక్ష్యం.

ఒకేసారి కమిషనరేట్ పరిధిలో 450 ప్రదేశాల్లో ఈ కార్యక్రమాన్ని నిర్వహించారు. బేగంపేటలోని మహావీర్ అపార్ట్‌మెంట్స్ వద్ద, తిరుమలగిరిలోని సరస్వతి నగర్ మరియు వెంకటేశ్వర నగర్ ప్రాంతాల్లో ప్రజలకు భద్రతపై అవగాహన కల్పించారు.

పోలీస్ కమిషనర్ సుమతి మాట్లాడుతూ, 29 పోలీస్ స్టేషన్ల పరిధిలో ఈ నమోదు ప్రక్రియ జరిగిందని తెలిపారు. ఇంటి యజమానులు Suraksha app లో తమంతట తాముగా నమోదు చేసుకోవాలని కోరారు. అద్దెదారుల నమోదుకు పోలీసులు సహాయం చేస్తారని, సీనియర్ సిటిజన్ల నమోదుకు కూడా పోలీసులే స్వయంగా వస్తారని ఆమె వివరించారు.

ఇంట్లో వంటవారు, గార్డెనర్లు, పనిమనుషులు వంటి domestic help నియమించుకునే ముందు వారి గుర్తింపు పత్రాలు తీసుకోవాలని పోలీసులు సూచించారు. నేపాల్ సహా ఇతర రాష్ట్రాల నుంచి వచ్చే వ్యక్తులందరినీ 100 శాతం నమోదు చేయాలని లక్ష్యంగా పెట్టుకున్నట్లు కమిషనర్ తెలిపారు.