భారీ వర్షంతో భారత్-న్యూజిలాండ్ మూడో వన్డే రద్దు; నాలుగో వన్డే ఈ నెల 13న

న్యూజిలాండ్-భారత్ మధ్య జరగాల్సిన మూడో వన్డే భారీ వర్షం కారణంగా రద్దయింది. మైదానంలో నీరు చేరడంతో ఆట నిర్వహించే పరిస్థితులు లేకపోయాయి. దీంతో మ్యాచ్‌ను రద్దు చేసినట్టు ప్రకటించారు.

షెడ్యూల్ ప్రకారం ఉదయం 7:30 గంటలకు మ్యాచ్ ప్రారంభం కావాల్సి ఉంది. వర్షం వల్ల టాస్ ఆలస్యమైంది. చివరకు ఉదయం 9 గంటలకు టాస్ పడింది. టాస్ గెలిచిన టీమ్ ఇండియా మొదట బౌలింగ్ ఎంచుకుంది.

టాస్ ముగిసిన వెంటనే మళ్లీ వర్షం మొదలైంది. దీంతో పిచ్‌ను మరోసారి కవర్లతో కప్పేశారు. వర్షం ఆగుతుందని ఎంపైర్లు, ఆటగాళ్లు, అభిమానులు చాలాసేపు ఎదురుచూశారు.

మధ్యలో వర్షం కొంత తగ్గినప్పటికీ మళ్లీ జోరందుకుంది. మైదానంలో నీరు చేరడంతో ఆటకు అనుకూల పరిస్థితులు లేకపోయాయి. చివరకు మ్యాచ్ రద్దు ప్రకటన వచ్చింది.

ఈ సిరీస్‌లో నాలుగో వన్డే ఈ నెల 13వ తేదీన జరగనుంది.