మరో 114 రఫెల్ ఫైటర్ జెట్ల కొనుగోలుకు ఫ్రాన్స్‌కు భారత్ లెటర్ ఆఫ్ రిక్వెస్ట్

భారత వైమాణిక దలాన్ని బలోపేతం చేసేందుకు రక్షణ శాఖ కీలక నిర్ణయం తీసుకుంది. ఫ్రాన్స్ నుండి మరో 114 రఫెల్ ఫైటర్ జెట్ల కొనుగోలు కోసం భారత్ అధికారికంగా లెటర్ ఆఫ్ రిక్వెస్ట్ (LoR) పంపింది.

ఈ ఒప్పందం కింద 114 యుద్ధ విమానాలను ఫ్రెంచ్ కంపెనీ డసాల్ట్ ఏవియేషన్ భారత్లోనే తయారు చేయనుంది. వీటిలో 94 విమానాలను ఒక భారతీయ కంపెనీతో కలిసి స్వదేశీంగా నిర్మించనున్నారు. ఫ్రాన్స్ వెలుపల రఫెల్ జెట్ల తయారీ జరగడం ఇదే తొలిసారి కానుంది. ఈ ప్రాజెక్టులో 50% స్వదేశీ పరిజ్ఞానం ఉపయోగించనున్నారు.

ఇప్పటికే వైమానిక, నౌకాదళాల కోసం 62 రఫెల్ విమానాలకు ఆర్డర్ ఇచ్చారు. తాజా 114 విమానాలతో భారత్ వద్ద రఫెల్ జెట్ల సంఖ్య 176కు చేరనుంది. చైనా, పాకిస్థాన్ సరిహద్దుల్లో రక్షణ కవచాన్ని మరింత పటిష్టం చేయడంలో ఈ అత్యాధునిక యుద్ధ విమానాలు కీలకంగా మారనున్నాయి.

భారీ మొత్తంలో జరగనున్న ఈ ఒప్పందం భారత రక్షణ చరిత్రలో అతిపెద్ద ఒప్పందంగా నిలుస్తుందని అంచనా. దీని ద్వారా దేశ రక్షణ శక్తి మెరుగుపడుతుందని రక్షణ శాఖ అధికారులు తెలిపారు.