భారత సైన్యం అధికారిక సివిల్ ఫార్మల్ డ్రెస్ కోడ్‌లో మార్పులు

భారత సైన్యం అధికారులకు కొత్త సివిల్ ఫార్మల్ దుస్తుల నియమావళిని ప్రవేశపెట్టింది. ఇకపై అధికారులు ఫార్మల్ ప్యాంట్, పూర్తి చేతుల షర్టుపై క్లోజ్డ్ నెక్ కోట్ ధరించాలని సూచించింది. దేశీయంగా డిజైన్ చేసిన ప్రత్యేక బ్యాండ్ జాకెట్ను కూడా ఆర్మీ పరిచయం చేసింది.

బ్రిటిష్ కాలం నుంచి కొనసాగుతున్న పలు సంప్రదాయాలను నిలిపివేస్తున్నట్లు సైన్యం తెలిపింది. పౌచ్ బెల్ట్లను, ఉన్నతాధికారులు తమ వెంట కత్తి ధరించే పద్ధతిని తొలగిస్తున్నారు. 'రాయల్' వంటి పదాల వాడకాన్ని కూడా ఇకపై ఎట్టి పరిస్థితిలోనూ అనుమతించబోమని సైన్యం స్పష్టం చేసింది.

బ్రిటిష్ వలస పాలన నుంచి వచ్చిన సంప్రదాయాలను తొలగించి, ఆధునిక భారత దేశ గుర్తింపుకు అనుగుణంగా ఈ మార్పులు తీసుకువచ్చినట్లు సైన్యం పేర్కొంది. ఆర్మీ డే సందర్భంగా ఈ కొత్త డ్రెస్ కోడ్‌ను అధికారికంగా ప్రకటించారు.