ఇరాన్ ప్రయాణాలపై భారత ఎంబసీ తాజా హెచ్చరిక

టెహరాన్‌లోని భారత ఎంబసీ ఇరాన్ ప్రయాణాలపై తన సలహాను సవరించింది. పశ్చిమాసియాలో ఉద్రిక్తతలు సద్దుమణిగినా, ప్రస్తుతానికి ఇరాన్‌కు అనవసర ప్రయాణాలు మానుకోవాలని భారతీయులకు సూచించింది.

ఇరాన్‌లో ఉన్న భారతీయులు అత్యంత అప్రమత్తంగా ఉండాలని, అధికారిక సూచనలను ఖచ్చితంగా పాటించాలని ఎంబసీ తెలిపింది. భద్రత పరిస్థితులను ఎప్పటికప్పుడు నిశితంగా పరిశీలిస్తున్నట్లు, తదుపరి నోటీసులు వచ్చే వరకు ప్రయాణాలు వాయిదా వేయాలని సూచించింది.

అమెరికా-ఇరాన్ మధ్య యుద్ధ ముగింపు సంతకాలు జరిగినప్పటికీ, హర్మూజ్ జలసంధి నిర్వహణపై భేదాభిప్రాయాలు నెలకొన్నాయి. హర్మూజ్‌ను మూసేసినట్టు టెహరాన్ చెబుతుండగా, అది తెరిచే ఉందని అమెరికా పేర్కొంటోంది. ఈ గందరగోళ నేపథ్యంలో పశ్చిమాసియాలో పరిస్థితి స్పష్టత లేకుండా పోయింది.