జూలై 1 నుంచి ఇండియన్ రైల్వేలో కొత్త జరిమానా నిబంధనలు

జూలై 1, 2026 నుంచి ఇండియన్ రైల్వే కొత్త నిబంధనలు అమలు చేస్తోంది. టికెట్ లేకుండా ప్రయాణించే వారిపై కఠినమైన జరిమానాలు విధించనుంది.

జన్ విశ్వాస చట్టం ప్రకారం ఈ నిబంధనలను తీసుకొచ్చారు. టికెట్ లేకుండా ప్రయాణిస్తే కనీసం ₹500 జరిమానా విధిస్తారు. గతంలో ఈ మొత్తం ₹250గా ఉండేది. తప్పుడు టికెట్ ఉపయోగించడం, అనుమతించిన కోచ్ కాకుండా వేరే కోచ్‌లో ప్రయాణించడం వంటివాటికీ ₹500 జరిమానా వర్తిస్తుంది.

ఇతరుల టికెట్‌ను ఉపయోగించడం కూడా నేరంగా పరిగణిస్తారు. జరిమానా చెల్లించని వారిపై కోర్టు కేసు నమోదు చేసే అవకాశం ఉంది. ప్రయాణికుల్లో అవగాహన పెంచేందుకు ఈ చర్యలు చేపట్టినట్లు రైల్వే శాఖ తెలిపింది. పశ్చిమ రైల్వే, మధ్య రైల్వే సోషల్ మీడియా ద్వారా ప్రజలకు హెచ్చరికలు జారీ చేశాయి.