ఇటలీ: భారత్ను అవమానించిన వెయిటర్ను నిలదీసిన భారతీయ మహిళలు; పోలీసుల సమక్షంలో క్షమాపణ
జూన్ 23న ఇటలీలోని పీసా నగరంలోని ఓ రెస్టారెంట్లో భారతీయ మహిళల బృందం, భారత్ను అవమానించిన వెయిటర్ను పోలీసుల సాయంతో నిలదీసి క్షమాపణ చెప్పించుకుంది.
సామాజిక మాధ్యమాల ఇన్ఫ్లుయెన్సర్ ఖుషీ దూబేతో సహా మరికొందరు భారతీయ మహిళలు ఆంటికా ట్రాటోరియా ఆంటోనిటా అనే రెస్టారెంట్లో భోజనం చేశారు. బిల్లు చెల్లింపు సమయంలో బంగ్లాదేశ్కు చెందిన వెయిటర్ హుసేన్తో వారికి వాగ్వాదం జరిగింది. ఈ సందర్భంగా వెయిటర్ భారత్పై అనుచిత వ్యాఖ్యలు చేశాడు.
దీనిపై మహిళలు తీవ్రంగా స్పందించారు. అతన్ని గౌరవంగా మాట్లాడాలని, భారత్ను అవమానించినందుకు క్షమాపణ చెప్పాలని డిమాండ్ చేశారు. అయినా అతడు పట్టించుకోకపోవడంతో పోలీసులను పిలిచారు. పోలీసుల ముందు వీడియో ఆధారాలతో సహా మహిళలు తమ వాదనను బలపరిచారు. దీంతో వెయిటర్ తన తప్పు ఒప్పుకుని బేషరతుగా క్షమాపణ చెప్పాడు.
ఈ ఘటనకు సంబంధించిన వీడియోను ఖుషీ దూబే తన ఇన్స్టాగ్రామ్ ఖాతాలో పోస్ట్ చేయడంతో అది సామాజిక మాధ్యమాల్లో వైరల్ అయ్యింది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
