అనంతపురం జిల్లాలో ఏటీఎం చోరీలు: అంతర్రాష్ట్ర గ్యాంగ్లదే పని

అనంతపురం జిల్లాలో ఇటీవల వరుసగా ఏటీఎం మిషన్లు చోరీకి గురయ్యాయి. ధర్మవరం, గార్లదిన్నె, గుంతకల్, బుక్కరాయ సముద్రం ప్రాంతాల్లో గత రెండు నెలల్లోనే పలు ఏటీఎం బాక్సులను దొంగలు పెకలించుకెళ్లారు. పోలీసులు ఈ ఘటనలపై దర్యాప్తు చేస్తున్నారు.

సీసీ కెమెరాలను పరిశీలించగా, ఈ చోరీలు అంతర్రాష్ట్ర గ్యాంగ్ల చేతిలో జరిగినట్లు గుర్తించామని పోలీసులు తెలిపారు. హర్యానా, గురుగావ్, మేవార్, రాజస్థాన్ ప్రాంతాల నుంచి సుమారు 40 గ్యాంగ్లు జాతీయ రహదారి మీదుగా దక్షిణాది రాష్ట్రాల్లోకి వస్తున్నాయని వెల్లడించారు.

నిందితులను పట్టుకునేందుకు పోలీసులు 15 రోజుల పాటు రాజస్థాన్‌లో నిఘా పెట్టినా, సమాచారం అందించేందుకు నియమించిన గూఢచారి విఫలం కావడంతో అప్పట్లో ఎవరినీ అదుపులోకి తీసుకోలేకపోయారు. అయితే, దర్యాప్తులో నిందితులను ఐడెంటిఫై చేశామని, రాబోయే రోజుల్లో అరెస్టు చేస్తామని అధికారులు ధీమా వ్యక్తం చేశారు.

ఈ దోపిడీలు కేవలం ఆంధ్రప్రదేశ్‌కే పరిమితం కాకుండా, తెలంగాణ, కర్ణాటక, తమిళనాడు, ఒడిస్సా రాష్ట్రాల్లోనూ ఇదే తరహా నేరాలు జరుగుతున్నట్లు పోలీసులు గుర్తించారు. నేరగాళ్లు బైక్‌లు ఉపయోగించి, ఏటీఎం యంత్రాన్ని మొత్తంగా తీసుకెళ్తున్న కొత్త పంథా పట్ల అప్రమత్తంగా ఉండాలని ప్రజలకు సూచిస్తున్నారు.