6,500 ఏళ్ల క్రితం భీకర కరువును మానవులు ఎలా ఎదుర్కొన్నారో ఇజ్రాయిల్ పరిశోధన వెల్లడి

6,500 సంవత్సరాల క్రితం ఉత్తర ఇజ్రాయిల్లో ఏర్పడ్డ భీకర కరువును అక్కడి మానవులు నూతన పద్దతులతో ఎదుర్కొన్నారని ఇజ్రాయిల్‌లోని హైఫా విశ్వవిద్యాలయం పరిశోధకులు గుర్తించారు.

విశ్వవిద్యాలయం పరిశోధక బృందం కేబ్రరా చిత్తడి నేలల్లో 16 మీటర్ల లోతు వరకు భూమిని డ్రిల్లింగ్ చేసి పురాతన మట్టి పొరలు, రసాయనాలు, వృక్ష అవశేషాలను సేకరించింది. వీటి ఆధారంగా ఒక సుదీర్ఘ వాతావరణ కాలరేఖను నిర్మించారు. అప్పటి వార్షిక వర్షపాతం 700 mm నుంచి 350 mm కు తగ్గినట్టు నమోదైంది, దీంతో తీవ్ర కరువు ఏర్పడింది.

ఇంత పెద్ద కరువు వచ్చినా ప్రజలు ఆ ప్రాంతాన్ని వదిలి వెళ్లలేదని, ఉన్నత స్థాయిలో అన్వేషణ చేశారని శాస్త్రవేత్తలు కనుగొన్నారు. ఆ కాలపు మానవులు వర్షపు నీటిపై మాత్రమే ఆధారపడకుండా, వరద నీటిని పొలాలకు మళ్లించే కృత్రిమ నీటి పారుదల విధానాన్ని అభివృద్ధి చేశారు. పురాతన బార్లీ గింజల అవశేషాల పరిశీలనలో ఈ వ్యవసాయ పద్ధతి సృష్టించినట్లు నిర్ధారణ అయ్యింది.

ఇదే కాలంలో లోహాలను కరిగించి రాగి ఆయుధాలు, నిత్య వస్తువులు తయారు చేసే చిన్న వర్క్‌షాప్‌లను కూడా ఏర్పాటు చేసుకున్నట్టు పరిశోధనలో వెల్లడైంది. మానవులు క్లిష్ట పరిస్థితుల్లో కూడా సాంకేతిక విస్తరణ ద్వారా అనుకూలంగా మారగలరని ఈ పరిశోధన నిరూపిస్తుందని పరిశోధకులు తెలిపారు.