జోధ్పూర్‌లో వ్యాపారి ప్యాంటు జేబులో స్మార్ట్ఫోన్ పేలుడు; సీసీటీవీ ఫుటేజ్ వైరల్

రాజస్థాన్లోని జోధ్పూర్ మండోర్ వ్యవస్థ మార్కెట్లో ఓ వ్యాపారి ప్యాంటు జేబులో స్మార్ట్ఫోన్ పేలడంతో ఆయనకు తీవ్ర గాయాలయ్యాయి. గోపాల్ సోని అనే వ్యాపారి తన 87% ఛార్జింగ్ ఉన్న ఫోన్ను జేబులో పెట్టుకుని పనిచేస్తుండగా ఒక్కసారిగా పెద్ద శబ్దంతో పేలుడు సంభవించింది.

పేలుడు తర్వాత ఆయన జేబులో నుంచి దట్టమైన పొగ రావడంతో గోపాల్ గాయపడి కేకలు వేశారు. చుట్టుపక్కల వ్యాపారులు వెంటనే స్పందించి ఆయనను దగ్గర్లోని ప్రైవేటు ఆసుపత్రికి తరలించారు. వైద్యులు అత్యవసర చికిత్స అందించగా ప్రస్తుతం ఆయన ప్రాణాలకు ముప్పు లేదని తెలిపారు.

దుకాణంలో ఏర్పాటు చేసిన సీసీటీవీ కెమెరాలో ఈ ఘటన మొత్తం రికార్డయింది. ఆ వీడియో సోషల్ మీడియాలో వైరల్గా మారింది. ఫోన్ జేబులో పేలిన వెంటనే పొగ రావడం, వ్యాపారి నొప్పితో విలవిలలాడటం దృశ్యాలు నెటిజన్లను దిగ్భ్రాంతికి గురిచేశాయి.

ఈ ఘటనపై సాంకేతిక నిపుణులు వివరణ ఇచ్చారు. లిథియం అయాన్ బ్యాటరీలు కొన్ని ప్రత్యేక పరిస్థితుల్లో పేలిపోయే అవకాశం ఉందని చెప్పారు. ప్రస్తుతం ఎండ తీవ్రత ఎక్కువగా ఉండటంతో జేబులో వేడి పెరిగి ఫోన్ వేడెక్కి పేలి ఉండొచ్చని అభిప్రాయపడ్డారు. బ్యాటరీ తయారీలో లోపం లేదా షార్ట్ సర్క్యూట్ కూడా కారణం కావచ్చని తెలిపారు. ఫోన్ వాడే వారు ఎండలో ఎక్కువసేపు జేబులో ఉంచకూడదని, ఛార్జింగ్ సమయంలో మాట్లాడటం, గేమ్స్ ఆడటం చేయరాదని, ఒరిజినల్ చార్జర్లు మాత్రమే ఉపయోగించాలని హెచ్చరించారు.