తూర్పు గోదావరిలో సహకార సంఘ భవనానికి మంత్రి దుర్గేష్ శంకుస్థాపన; కొత్త పింఛన్లు, ఇళ్ల మంజూరు ప్రకటన

ఏపీ మంత్రి కందుల దుర్గేష్ శనివారం తూర్పు గోదావరి జిల్లా ఉనరాజవరం మండలం తాడిపర్లలో సహకార సంఘ భవనానికి శంకుస్థాపన చేశారు. 70 లక్షల రూపాయలతో నిర్మించే ఈ భవనం కోసం పిఎస్సిఎస్ భవనానికి రూ.10 లక్షల విరాళం ఇచ్చిన వెంకటేశ్వరరావు దంపతులతో కలిసి మంత్రి పూజలు నిర్వహించారు.

ఈ సందర్భంగా మంత్రి మాట్లాడుతూ, ప్రజల భాగస్వామ్యంతో అభివృద్ధి సాధించాలనేది ప్రభుత్వ లక్ష్యమని చెప్పారు. ప్రభుత్వంపై పూర్తిగా ఆధారపడకుండా సొంతంగా నిధులు సమీకరించి చేపట్టే పనులను అభినందించారు.

త్వరలోనే కొత్త పింఛన్లు, గృహాల మంజూరు ఇస్తామని ఆయన ప్రకటించారు. ముఖ్యమంత్రి ఈ విషయంలో త్వరలో నిర్ణయం తీసుకుంటారని తెలిపారు.