రాజమహేంద్రవరంలో కార్తీక దీపోత్సవం.. మన్యం గార్డెన్స్‌లో ఏర్పాట్లు పూర్తి

రాజమహేంద్రవరంలోని మన్యం గార్డెన్స్‌లో ఈనాడు, ETV ఆధ్వర్యంలో కార్తీక దీపోత్సవం సాయంత్రం 6 గంటలకు ప్రారంభమవుతుంది. జేఎన్ రోడ్డులోని ఈ మైదానంలో కార్యక్రమ ఏర్పాట్లు పూర్తయ్యాయి.

భక్తులను సాయంత్రం 5 గంటలకు గ్రౌండ్‌లోకి అనుమతిస్తారు. ఉచిత పాసుల పంపిణీ ఇప్పటికే పూర్తయింది. వచ్చే ప్రతి భక్తుడికి ప్రత్యేక సీటింగ్ ఏర్పాటు చేశారు. నగరవ్యాప్తంగా పలు ప్రాంతాల నుంచి భక్తులు తరలివస్తున్నారు.

వేద పట్టణంతో కార్యక్రమం మొదలవుతుంది. ఆ తర్వాత సామూహిక గణపతి పూజ, దేవి అష్టోత్తర పారాయణం జరుగుతాయి. వేద పండితులు భక్తులతో పూజలు చేయిస్తారు. ఆధ్యాత్మిక వేత్త దూలిపాల మహాదేవం ప్రవచనం ఉంటుంది.

ప్రధాన కార్యక్రమంగా వేలాది మంది భక్తులు ఒకేసారి దీపాలు వెలిగిస్తారు. సామూహిక దీపారాధనలో శివ, కేశవ నామస్మరణలు చేస్తారు. భక్తి గీతాలు ఆలపిస్తారు. అఖండ హారతి కార్యక్రమం ఉంటుంది.

గోదావరి తీరంలోని రాజమహేంద్రవరం అనేక ప్రసిద్ధ ఆలయాలున్న ఆధ్యాత్మిక నగరం. కార్తీక మాసంలో సామూహిక దీపారాధన చేస్తే పుణ్యఫలం దక్కుతుందని భక్తులు విశ్వసిస్తారు. ఈ కార్యక్రమాన్ని ETV ఆంధ్రప్రదేశ్, ETV తెలంగాణ, ETV లైఫ్‌లో ప్రత్యక్ష ప్రసారం చేస్తారు.