కావేరి యూనివర్సిటీలో వ్యవసాయ విద్యార్థులకు కీటక శాస్త్రంలో ప్రాక్టికల్ శిక్షణ

తెలంగాణలోని కావేరి యూనివర్సిటీ వ్యవసాయ విద్యార్థులకు కీటక శాస్త్రంలో ప్రాక్టికల్ శిక్షణ కార్యక్రమాలు అందిస్తోంది. విద్యార్థులకు పొలాల్లో తిరిగి కీటకాలను సేకరించే అవకాశం కల్పిస్తున్నారు.

ప్రతి విద్యార్థికి ఒక ప్రత్యేక కీటక సేకరణ పెట్టె ఇస్తారు. సెమిస్టర్ చివర్లో వారు సేకరించిన కీటకాలను సంరక్షించి సబ్మిట్ చేయాలి. సేకరణ, కీటకాల స్థితి, లేబులింగ్, పిన్నింగ్, శరీర భాగాల విస్తరణ ఆధారంగా మార్కులు కేటాయిస్తారు. ఈ ప్రక్రియ వల్ల విద్యార్థులకు ఆచరణాత్మక అనుభవం లభిస్తుందని యూనివర్సిటీ ఎంటమాలజీ విభాగం ప్రొఫెసర్ డాక్టర్ శ్రీనివాస్ తెలిపారు.

కీటకాలను సంరక్షించేందుకు రెండు పద్ధతులు బోధిస్తున్నారు. డ్రై ప్రిజర్వేషన్ లో కీటకాల శరీరం నుంచి తేమను తొలగించి, ఎలాంటి రసాయనాలు ఉపయోగించకుండా పెట్టెల్లో భద్రపరుస్తారు. లిక్విడ్ ప్రిజర్వేషన్ లో ఫార్మలిన్ ను ఉపయోగిస్తారు. ఈ పద్ధతిని ప్రధానంగా గుడ్లు, లార్వా, ప్యూపా వంటి పిండ దశలకు వినియోగిస్తారు.

యూనివర్సిటీలో కీటకాల శరీర నిర్మాణం తెలుసుకునేందుకు డిసెక్షన్ ట్రేలు కూడా అందుబాటులో ఉన్నాయి. వీటి సాయంతో విద్యార్థులు కీటకాల జీర్ణ వ్యవస్థ, రక్త ప్రసరణ వ్యవస్థ, నాడీ వ్యవస్థలను విడదీసి, వాటి శారీరక లక్షణాలను అధ్యయనం చేస్తారు. కేవలం బాహ్య లక్షణాలే కాకుండా అంతర్గత నిర్మాణంపై కూడా అవగాహన పెంచుకుంటారు.

వ్యవసాయ రంగంలో చీడపీడల నియంత్రణకు ఈ ప్రాక్టికల్ జ్ఞానం ఎంతో ఉపయోగపడుతుంది. కావేరి యూనివర్సిటీ 2026 విద్యా సంవత్సరానికి BSc అగ్రికల్చర్, BTech అగ్రికల్చరల్ ఇంజనీరింగ్ కోర్సుల్లో ప్రవేశాలు ప్రారంభించింది.