భగవంతుడిని ప్రత్యక్షంగా చూసిన వ్యక్తి కోసం ఇంద్రద్యుమ్న మహారాజు ప్రకటన

పూరీ జగన్నాథుని ఆలయ నేపథ్యంలో ప్రాచుర్యం పొందిన ఒక కథ ప్రకారం, మాళ్వ దేశాన్ని పాలించిన ఇంద్రద్యుమ్న మహారాజుకు దేవుడిని సాకారంగా చూడాలనే కోరిక ఉండేది.

ఆ కోరికను తీర్చుకోవడానికి ఆయన ఒక ప్రకటన చేశారు. తన రాజ్యంలో ఎవరైనా భగవంతుడిని ప్రత్యక్షంగా చూసి ఉంటే, వారిని ఘనంగా సత్కరిస్తానని ఆయన చాటింపు వేయించారు. అయితే ఈ ప్రకటనకు ఎవరూ ముందుకు రాలేదు.

దీంతో ఆయన తన మేధావి అయిన మంత్రి విద్యాపతిని పిలిచాడు. నిజంగా భగవంతుని సేవిస్తూ, ఆయనను నిత్యం దర్శిస్తున్న వ్యక్తిని వెతికి తన వద్దకు తీసుకురమ్మని ఆదేశించాడు. విద్యాపతి మారువేషంలో రాజ్యమంతా తిరుగుతూ వెతికాడు.

చివరకు ఆ దర్యాప్తులో విద్యాపతికి ఒక ప్రత్యేక సమాచారం లభించింది. నీలమాధవుడిని జాగ్రత్తగా సేవిస్తున్న ఒక శబర ప్రభువు, విశ్వావసు అనే భక్తుడు ఉన్న విషయం అతనికి తెలిసింది. ఈ నేపథ్యంలో విశ్వావసు నీలమాధవ స్వామిని ఎలా రక్షిస్తున్నాడనేది ఆసక్తికరంగా మారింది.