PM ఏక్తా మాల్ టెండర్ల రద్దుకు కేటీఆర్ డిమాండ్, నిర్మలా సీతారామన్‌కు లేఖ

BRS వర్కింగ్ ప్రెసిడెంట్ కేటీఆర్ కేంద్ర ఆర్థిక మంత్రి నిర్మలా సీతారామన్‌కు లేఖ రాశారు. ఈ లేఖలో PM ఏక్తా మాల్ (యూనిటీ మాల్) టెండర్లను వెంటనే రద్దు చేయాలని డిమాండ్ చేశారు.

ఈ మాల్ కోసం ప్రభుత్వ భూమిని, కేంద్ర నిధులను ప్రైవేట్ బిల్డర్లకు కట్టబెడుతున్నారని కేటీఆర్ ఆరోపించారు. టెండర్ల ప్రక్రియలో అవకతవకలు జరిగాయని, పారదర్శకత లేదన్నారు. ఈ వ్యవహారంపై సమగ్ర విచారణ జరిపించాలని కూడా డిమాండ్ చేశారు.

గతంలో అమృత్ టెండర్ల విషయంలోనూ కేంద్రానికి ఫిర్యాదు చేశానని, అప్పుడు కూడా ఎలాంటి చర్యలు తీసుకోలేదని కేటీఆర్ గుర్తు చేశారు. కాంగ్రెస్ అవినీతిపై కేంద్రం మాటలకే పరిమితమై తప్ప చర్యలు తీసుకోవడం లేదని విమర్శించారు. వీటిపై కేంద్ర, రాష్ట్ర ప్రభుత్వాల స్పందన తెలియాల్సి ఉంది.