లక్నోలో నిరసన: కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా డిమాండ్

దేశవ్యాప్తంగా పరీక్ష నిర్వహణలో అవకతవకలు జరుగుతున్నాయని ఆరోపిస్తూ లక్నోలో భారీ నిరసన ప్రదర్శన జరిగింది. ఈ నిరసన ‘కాక్రోచ్ జనతా పార్టీ’ నాయకుడు అభిజిత్ దీప్కే ఆధ్వర్యంలో ఎకో గార్డెన్ వేదికగా జరిగింది. టీచర్ రిక్రూట్మెంట్ అభ్యర్థులు, మెడికల్ విద్యార్థులు, సివిల్ సర్వీసెస్ అభ్యర్థులు, ఇతర ఉద్యోగార్థులు పెద్ద సంఖ్యలో పాల్గొన్నారు.

నియామక ప్రక్రియలో పారదర్శకత లోపించిందని, పరీక్ష వ్యవస్థపై నమ్మకం కోల్పోతున్నట్లు నిరసనకారులు ఆవేదన వ్యక్తం చేశారు. పరీక్ష నిర్వహణలో లోపాలను ప్రస్తావిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని వారు డిమాండ్ చేశారు. ఈ సమస్యలకు రాజకీయ పరిపాలన బాధ్యత వహించాలని, సమగ్ర విచారణ జరిపి బాధ్యులపై చర్యలు తీసుకోవాలని కోరారు.

ఉద్యోగాల కోసం సంవత్సరాల తరబడి కష్టపడుతున్న యువతకు న్యాయం చేయాలని, పరీక్ష వ్యవస్థపై నమ్మకం పునరుద్ధరించాలని వారు ప్రభుత్వాన్ని కోరారు. దేశవ్యాప్తంగా వివిధ నియామక పరీక్షల నిర్వహణపై ఇటివలి కాలంలో ప్రశ్నలు తలెత్తాయి. ఈ నేపథ్యంలో లక్నోలో జరిగిన ఈ నిరసన యువత అసంతృప్తిని మరోసారి వెల్లడించింది. నిరసనకారుల డిమాండ్లపై ప్రభుత్వం స్పందిస్తుందా అనేది వేచిచూడాల్సి ఉంది.