సెయింట్ లూయిస్ హిందూ టెంపుల్‌లో భారత్ నుంచి తెచ్చిన వెయ్యి తామర పూలతో మహాలక్ష్మి హోమం

సెయింట్ లూయిస్ హిందూ టెంపుల్‌లో వారం రోజుల యాగం సందర్భంగా మహాలక్ష్మి హోమం నిర్వహించారు. ఈ హోమం కోసం భారతదేశం నుంచి 1000 తామర పూలను తెప్పించడం విశేషం.

టెంపుల్ కమిటీ సభ్యురాలు శాంత మాట్లాడుతూ, ‘1000 తామర పూలను భారత్ నుంచి తీసుకువచ్చాం. శుక్రవారం నాడు అమ్మవారికి ప్రత్యేక అలంకరణ చేసి, మిగిలిన పూలను ఈ హోమంలో వాడుతున్నాం’ అని తెలిపారు.

ప్రధాన అర్చకులు పునీత్ కుమార్ స్వామి మాట్లాడుతూ, పద్మం (తామర) మహాలక్ష్మికి అత్యంత ప్రీతికరమైనదని, వేదాల్లో కమలానికి ప్రత్యేక స్థానం ఉందని వివరించారు. ఈ హోమం ద్వారా భక్తుల కష్టాలు నివారణ అవుతాయని చెప్పారు.

యాగ సమయంలో భక్తులకు ఎండ నుంచి రక్షణగా నడిచే మార్గంలో తెల్ల పెయింట్ వేశారు. వాలంటీర్లు ఇతర సహాయక కార్యక్రమాలు నిర్వహించారు.