కుమరం భీం జిల్లా సర్కారీ బడి విద్యార్థిని మానిక స్మార్ట్ పార్కింగ్ సిస్టమ్‌కు Patent సాధించింది

కుమరం భీం జిల్లా భూపాలపట్నంలోని సర్కారీ పాఠశాలలో 7వ తరగతి చదివే విద్యార్థిని మానిక IR సెన్సార్లతో పనిచేసే స్మార్ట్ పార్కింగ్ సిస్టమ్‌ను రూపొందించింది. ఈ పరికరానికి కేంద్ర ప్రభుత్వం patent జారీ చేసింది.

ఈ device అపార్ట్‌మెంట్లు, షాపింగ్ మాల్స్ అండర్‌గ్రౌండ్ పార్కింగ్‌లో అమర్చవచ్చు. స్లాట్ నిండి ఉంటే "SLOT FULL", ఖాళీగా ఉంటే "SLOT EMPTY" అని LED బోర్డు ద్వారా బయటి నుండే తెలుసుకోవచ్చు. లోపలికి వెళ్లకుండానే పార్కింగ్ అందుబాటు గురించి తెలుసుకోవడానికి ఇది వీలు కల్పిస్తుంది.

మండల, జిల్లా, రాష్ట్ర స్థాయి science fair పోటీలలో ఈ ప్రాజెక్ట్ పాల్గొని నిపుణుల ప్రశంసలు అందుకుంది. INSPIRE exhibition లో జిల్లా స్థాయిలో, ఆ తర్వాత రాష్ట్ర స్థాయిలో పాల్గొన్న తర్వాత Government of India patent మంజూరు చేసింది.

పాఠశాల ఉపాధ్యాయుల సహాయంతో ఈ ఆలోచన రూపుదిద్దుకుందని మానిక పేర్కొంది. ఈ patent వల్ల ఈ device తయారీ హక్కు ప్రస్తుతం మానికకు మాత్రమే చెందుతుంది.